facebook
Sunday , January 22 2017
Breaking News
Home / Featured / चार लाख मुले अजूनही शाळाबाह्य

चार लाख मुले अजूनही शाळाबाह्य

आवाज न्यूज नेटवर्क –

मुंबई – मुंबईसह राज्यभरात शिक्षणाच्या मुख्य प्रवाहापासून वंचित असलेल्या मुलांना शोधण्यासाठी शिक्षण विभागाने शाळाबाह्य सर्वेक्षण आयोजित केले होते. या सर्वेक्षणानंतर राज्यात केवळ ६५ ते ७० हजार मुले शाळाबाह्य असल्याचा दावा शिक्षण विभागाने केला होता. मात्र शिक्षण विभागानेच नुकत्याच जारी केलेल्या परिप‌त्रकानुसार हा दावा खोटा असल्याचे समोर आले आहे. परिपत्रकानुसार राज्यात ४ लाख २० हजार मुले शाळाबाह्य असल्याची धक्कादायक बाब उघडकीस आली आहे. या मुलांना शोधण्यासाठी विभागातर्फे येत्या वर्षात पुन्हा सर्वेक्षण करण्यात येणार आहे.

राज्यात सध्या ६ ते १४ वयोगटातील १.६० कोटी मुले शिक्षणाचे धडे घेत आहेत. मात्र २०११च्या जनगणनेनुसार प्राप्त झालेल्या ६ ते १० आणि ११ ते १४ वयोगटातील मुलांच्या संख्येच्या माहितीनुसार राज्यात सध्या ६ ते १४ वयोगटातील ४ लाख २० हजार मुले शिक्षणाच्या प्रवाहापासून दूर असल्याचे दिसून आले आहे. या प्राप्त माहितीनुसार याआधीचा शिक्षण विभागाचा सुमारे ७० हजार मुले शाळाबाह्य असल्याचा दावा फोल ठरला आहे. शिक्षण विभागाच्याच परिपत्रकातून ही माहिती समोर आल्याने सर्वांना धक्का बसला आहे.

अहवाल सादर करण्याचे आदेश

जनगणनेनुसार प्राप्त झालेल्या माहितीमुळे शिक्षण विभागाची तारांबळ उडाली आहे. त्यामुळे हा आकडा कमी करण्याच्या उद्देशाने सर्वेक्षणाचे आदेश दिले असले तरी या मुलांना शोधून त्यांची नोंद सरल प्रणालीमध्ये करण्याची सूचना यानिमित्ताने देण्यात आली आहे. तर विशेष म्हणजे, यासंदर्भात एक विशेष अहवाल सादर करण्याची सूचनाही शिक्षण विभागाचे सचिव नंदकुमार यांनी केली आहे.

Check Also

विकास कामे झाली, पण ठराविक लॉबीचीच झाली – यशवंत भोसले

Click on Below Video Related

Leave a Reply

Your email address will not be published. Required fields are marked *