facebook
Sunday , March 26 2017
Breaking News
Home / Featured / जळगावकरांची पैशासाठी वणवण

जळगावकरांची पैशासाठी वणवण

आवाज न्यूज नेटवर्क –

जळगाव – पंतप्रधान नरेंद्र मोदी यांनी पाचशे आणि हजार रुपयाच्या नोटा चलनातून रद्द करण्याच्या घेतलेल्या निर्णयाला एक महिना दोन दिवस उलटले असले, तरी अद्यापही चलनटंचाईला नागरिकांना तोंड द्यावे लागत आहे. त्यात सलग तीन दिवस बँकांना सुट्या आल्याने आणि मोजकेच एटीएम सुरू असल्याने अनेक जळगावकर पैशांसाठी वणवण करताना दिसत होते.

चलनटंचाईमुळे जळगावकर हवालदिल झाले आहे. शनिवारी बँकांना सुटी असल्याने सर्वांची भिस्त ही एटीएमवरच होती. परंतु, काही मोजकेच एटीएम सुरू असल्याचे चित्र शहरात दिसत होते. त्यातून दोन हजार रुपयाची नोट निघत असल्याने नागरिकांसमोर सुट्या पैशांचे प्रश्नचिन्ह उभे राहत होते. रविवार व सोमवारदेखील बँक बंद असल्याने जळगावकरांना चलनी नोटांची चिंता सतावू लागली आहे. अनेक सरकारी बँकांचे एटीएम दिवसभरातून अगदी थोडा वेळ चालू होते. नागरिकांकडे शंभर वा त्यापेक्षा कमी मूल्याच्या नोटा फारशा नसल्याने मार्केटमधील ग्राहकांची वर्दळ नव्हती.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *