facebook
Thursday , May 25 2017
Breaking News
Home / Featured / तिसऱ्या फेजमध्ये ३९ मार्ग; सरकारकडून मंजुरी

तिसऱ्या फेजमध्ये ३९ मार्ग; सरकारकडून मंजुरी

आवाज न्यूज नेटवर्क –

नागपूर – उपराजधानीत तिसऱ्या टप्प्यात पुन्हा ३०० कोटींचे ३९ सिमेंट रस्ते होणार आहेत. राज्य शासनाने यास मंजुरी प्रदान केली. राज्य सरकार, नासुप्र व मनपा यांच्या समसहभागातून हे रस्ते तयार करण्यात येत आहे. लवकरच या रस्त्यांच्या कामाची निविदा काढण्यात येणार असल्याची माहिती महापौर प्रवीण दटके यांनी दिली.

संपूर्ण शहरात सिमेंट रस्त्यांचे जाळे निर्माण करण्यात येत आहे. अतिशय वेगाने ही कामे होत आहेत. सध्या दोन टप्प्यांत शहराच्या सर्वच भागात सिमेंट रस्त्यांची कामे सुरू आहेत. पहिल्या व दुसऱ्या टप्प्यानंतर आता तिसऱ्या टप्प्यात एकूण ३०१.६७ कोटींचे सिमेंट रस्त्यांची कामे होणार आहेत. यात शहराच्या विविध भागांतील ३९ रस्त्यांचा यात समावेश आहे. प्रत्येकी ५० कोटींच्या मिळून ६ निविदा काढण्यात येणार आहेत. विभागीय आयुक्तांच्या प्रशासकीय मान्यतेनंतर लगेच निविदा प्रक्रिया राबविण्यात येईल. पहिल्या टप्प्यातील कामे जवळपास संपुष्टात आली असून दुसऱ्या टप्प्यातील कामेही अंतिम टप्प्यात आहेत. तिसऱ्या टप्प्यात राज्यशासन १०० कोटी, नागपूर सुधार प्रन्यास १०० कोटी तर महापालिका १०० कोटी असा सहभाग राहणार आहे. दुसऱ्या टप्प्यात एकूण ३२४ कोटींची कामे सुरू आहेत. २१ पॅकेजमध्ये ४० रस्त्यांची ही कामे करण्यात येत आहेत. तिसऱ्या टप्प्यातील कामे सुद्धा लवकरच हाती घेण्यात येणार असल्याचे महापौरांनी सांगितले. ‘नागपूर महोत्सव’ कार्यक्रमासंदर्भात आयोजित पत्रपरिषदेत ही माहिती त्यांनी दिली.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *