facebook
Sunday , January 22 2017
Breaking News
Home / Featured / समाजाचा स्नेह माझ्यासाठी शक्ती

समाजाचा स्नेह माझ्यासाठी शक्ती

आवाज न्यूज नेटवर्क –

औरंगाबाद – ‘आर्य वैश्य समाजाकडे इतर समाजाला सोबत घेऊन देशाचे स्वप्न रंगविण्याची ताकद आहे. समाजाने दिलेले प्रेम, स्नेह ही एकप्रकारची शक्ती आहे. त्यामुळे या पदापर्यंत पोहंचू शकलो,’ असे प्रतिपादन अर्थमंत्री सुधीर मुनगंटीवार यांनी केले. ते शनिवारी आर्य वैश्य उपवर-उपवधू परिचय मेळाव्यात बोलत होते.
आर्य वैश्य मंडळ औरंगाबाद आणि आर्य वैश्य बहुउद्देशीय सेवाभावी संस्थतर्फे या दोन दिवशीय मेळाव्याचे आयोजन करण्यात आले आहे. सूर्या लॉन्स येथे आयोजित मेळाव्याच्या उद्घाटन सोहळ्याला व्यासपीठावर सेवानिवृत्त मुख्य सचिव अरुण बोंगीरवार, भाजप व्यापारी आघाडीचे प्रदेशाध्यक्ष दिलीप कुंदकुर्ते यांची प्रमुख उपस्थती होती. अध्यक्ष म्हणून आर्य वैश्य मंडळचे अध्यक्ष सूर्यकांत शिरपेवार हे होते. यावेळी मुनगंटीवार म्हणाले, ‘आर्य वैश्य समाजाचे राज्याच्या आणि देशाच्या विकासात मोठे योगदान आहे. शेवटच्या घटकापर्यंत सक्षमता येणे महत्त्वाचे. त्यासाठी समाजातील प्रत्येकाचे प्रयत्न गरजेचे आहे. समाजाच्या विद्यार्थ्यांसाठी वसतिगृह उभारण्यासाठी जागा शोधा, वसतिगृह उभारणीसाठी सरकार मदत करेल,’ असे आश्वासन त्यांनी दिले. अरुण बोंगीरवार यांनी आपल्या भाषणात मेळाव्याची स्थिती मांडली. प्रास्ताविक डॉ. शिरपेवार यांनी केले.

इनकमटॅक्सची मर्यादा पाच लाख करावी
नोटबंदीनंतर व्यापाऱ्यांना येत असलेल्या अडचणी आणि आयकर विभागाची भीती लक्षात घेत इनकम टॅक्सची मर्यादा अडीच लाख रुपयांवरून पाच लाख रुपये करावी, अशी मागणी भाजप व्यापारी आघाडीचे प्रदेशाध्यक्ष दिलीप कुंदकुर्ते यांनी आपल्या भाषणात केली. हा मुद्दा पकडत मुनगंटीवार आपल्या भाषणात म्हणाले, ‘कॅशलेस व्यवहार होत असताना, योग्यप्रकारे कर भरणाऱ्या करदात्यांनी घाबरण्याचे कारण नाही. प्रक्रियेत एकदा नियमितपणा आला तर या मर्यादा आपोआप वाढतील.’

Check Also

विकास कामे झाली, पण ठराविक लॉबीचीच झाली – यशवंत भोसले

Click on Below Video Related

Leave a Reply

Your email address will not be published. Required fields are marked *