facebook
Friday , May 26 2017
Breaking News
Home / मुंबई / राहुल देशपांडेच्या मदतीला धावली मुंबई लोकल

राहुल देशपांडेच्या मदतीला धावली मुंबई लोकल

मुंबई आणि लोकलचे नाते अगदीच जिव्हाळ्याचे. लाखो मुंबईकरांना इच्छित स्थळी पोहोचवणाऱ्या रेल्वेशी संबंधित अनेक घटना नियमितपणे ऐकायला मिळतात. शनिवारीसुद्धा ही लोकल प्रसिद्ध गायक राहुल देशपांडे यांच्या मदतीला धावून आली. संध्याकाळची वाहतूककोंडी लक्षात घेता राहुल यांनी बोरिवलीतील कार्यक्रमात पोहोचण्यासाठी लोकलला पसंती दिली आणि ते ठरलेल्या वेळेत कार्यक्रमस्थळी पोहोचलेदेखील. मुंबईची जीवनवाहिनी म्हणून प्रसिद्ध असलेल्या लोकलमुळेच रसिकप्रेक्षकांना राहुल यांच्या कर्णमधुर गाण्याचा मनमुराद आनंद लुटता आला.

एकदंत प्रतिष्ठानतर्फे प्रबोधनकार ठाकरे नाट्यगृहात गायिका आरती अंकलीकर-टिकेकर आणि राहुल यांचा कार्यक्रम रात्री ८.३० वाजता आयोजित करण्यात आला होता. या दोन्ही अष्टपैलू कलाकारांना ऐकण्यासाठी सभागृह खचाखच भरले होते. कार्यक्रम सुरू होताच आपल्या अप्रतिम गायकीने आरती यांनी रसिकांची मने जिंकली. मैफल सुरू असतानाच रात्री ९.३०च्या सुमारास राहुल यांचे आगमन झाले.

राहुल व्यासपीठावर येऊन स्थिरस्थावर होताच सूत्रसं​चालिका मंगला खाडिलकर यांनी ते कसे कार्यक्रमाला पोहोचले हे सांगून गायनास सुरुवात करावी, अशी विनंती केली. त्यानुसार राहुल यांनी षण्मुखानंद ट्रस्टतर्फे दिला जाणारा पुरस्कार स्वीकारून कार्यक्रमासाठी आल्याचे सांगितले. किंग्ज सर्कलहून पुरस्कार सोहळ्यानंतर राहुल बोरिवलीत वेळेत कसे काय पोहोचले, असा प्रश्न तेव्हा निर्माण होणे स्वाभाविक होते.

पुरस्कार सोहळा आणि कार्यक्रमाचा दिवस एकच होता. बोरिवलीतील कार्यक्रम बरेच महिने आधी ठरला होता आणि पुरस्कार सोहळ्यातही सहभागी होणे आवश्यक होते. पुरस्कार स्वीकारून किंग्ज सर्कलहून बोरिवलीला येण्यासाठी वाहतूककोंडीमुळे गाडीने येणे अशक्यच होते.

अशावेळी विनायक सामंत यांचे मित्र राजेश यांनी राहुल यांना कार्यक्रमस्थळी जाण्यासाठी लोकलचा पर्याय सुचवला. त्यानुसार राजेश आणि राहुल यांनी किंग्ज सर्कलहून वांद्रे गाठले आणि वांद्रेहून बोरिवली.

स्थानकाबाहेर अगोदरच उभ्या असलेल्या गाडीने त्यांना लगेचच प्रबोधनकार ठाकरे नाट्यगृहात नेण्यात आले. त्यानंतर रात्री १२.१५ पर्यंत त्यांनी रसिकांना गानमैफलीत तृप्त केले.

Check Also

१० कोटी मुलींचा विवाह १८ वर्षांआधीच

देशातील आरोग्याची स्थ‌तिी चिंताजनक असून, देशात दरवर्षी सुमारे १० कोटी ३० लाख मुलींचा विवाह त्यांच्या …

Leave a Reply

Your email address will not be published. Required fields are marked *