facebook
Thursday , May 25 2017
Breaking News
Home / नाशिक / सुट्यांमुळे एटीएम कॅशलेस!

सुट्यांमुळे एटीएम कॅशलेस!

तीन दिवसांच्या सलग सुट्या आल्यामुळे एटीएमवर भिस्त असलेल्या कार्डधारकांची रविवारी घोर निराशा झाली. शहरातील बहुतांश एटीएममध्ये कॅश नसल्यामुळे खडखडाट होता. काही एटीएमवर कॅश असली तरी तेथे मोठ्या रांगा होत्या. त्यामुळे सुटीच्या दुसऱ्याच दिवशी शहरात कॅश शॉर्टेजमुळे अडचणींत भर घातली. शनिवारी सुरू असलेले एटीएम रविवारी बंद असल्यामुळे ग्राहकांनी संताप व्यक्त केला.

सुटीच्या काळात ग्राहकांची गैरसोय होऊ नये म्हणून स्टेट बँकेसह काही बँकांनी एटीएम सुरू ठेवण्याचा निर्णय घेतला. पण तो दुसऱ्याच दिवशी फोल ठरला. पाचशे व हजारांच्या नोटा रद्द झाल्यानंतर रिकॅलिब्रेशनच्या नावाखाली जिल्ह्यातील ९०३ एटीएमपैकी बँकांच्या शाखांजवळ असलेली एटीएम सुरू झाली. त्यानंतर काही एटीएमचे रिकॅलिब्रेशन झाले पण बँकांतील कॅश शॉर्टेजमुळे १० टक्केच एटीएम सुरू होऊ शकले. त्यानंतर हे एटीएम पुन्हा बंद पडल्यामुळे ग्राहकांचा संताप वाढला आहे. एटीएम केंद्रात दोन वेळा कॅश टाकली तर एटीएम केंद्र दिवसभर सुरू असते. पण बहुतांश एटीएम केंद्रांवर एकाच वेळेस कॅश टाकली जात होती. त्यामुळे ती लवकर संपून जात होती.

नोटा रद्द झाल्यानंतर पहिल्याच पगाराचे बँकेत पुरेशी कॅश नसल्यामुळे वेतनदारांना रेशनिंगने पैसे मिळाले. त्यामुळे कॅशची चणचण सर्वांना भासत असताना सर्वांनाच एटीएमचा आधार होता. त्यात रविवार असल्यामुळे अनेकांकडे पैसे काढण्यासाठी वेळ होता. पण एटीएमची स्थिती बघून त्यांचाही हिरमोड झाला. सोमवारी ईदमुळे सुटी आहे. त्यानंतर मंगळवारी बँका सुरू होणार असून, त्यावेळीही प्रचंड गर्दी असणार आहे. त्यामुळे कॅशलेस व्यवहारावरच आता सर्वांची भिस्त असणार आहे.

Check Also

मार्केट फुलले; चेहरे उतरले

रविवारच्या साप्ताहिक सुटीनंतर सोमवारी येवला कृषी उत्पन्न बाजार समितीचे येवला मुख्य बाजार आवार लाल कांदा …

Leave a Reply

Your email address will not be published. Required fields are marked *