facebook
Tuesday , January 24 2017
Breaking News
Home / Featured / तब्बल ३५ लाखांची घड्याळे चोरीला

तब्बल ३५ लाखांची घड्याळे चोरीला

आवाज न्यूज नेटवर्क –

अहमदनगर – नगर-मनमाड महामार्गावर असलेल्या टायटन कंपनीच्या शोरुमचे शटर उचकटून चोरट्यांनी ३५ लाख ४७ हजार रुपये किंमतीची ५९३ महागडी घड्याळे चोरून नेली. मंगळवारी सकाळी सहा ते सात वाजण्याच्या दरम्यान अज्ञात चोरट्यांनी ही चोरी केली असून, या शोरुमच्या सीसीटीव्ही कॅमेऱ्यात चोरटे कैद झाले आहेत. या शोरुममधून चोरट्यांनी केवळ महागडी घड्याळेच चोरून नेली असून, इतर घड्याळे तशीच आहेत.

या प्रकरणी शोरुमचे व्यवस्थापक आशुतोष अरविंद राऊत यांच्या फिर्यादीवरून दोन अज्ञात चोरट्यांविरुद्ध तोफखाना पोलिस स्टेशनला गुन्हा दाखल झाला आहे. सकाळी सहा ते सात वाजण्याच्या सुमारास काळ्या कपड्याने तोंड बांधलेल्या दोन चोरट्यांनी शोरुमचे शटर सहज उचकटून शोरुममध्ये प्रवेश केला. त्या ठिकाणी असलेली महागडी घड्याळे चोरी करून चोरटे निघून गेल्याचे सीसीटीव्ही फुटेजमध्ये दिसत आहे. या ठिकाणी रखवालीसाठी वॉचमन आहे. हा वॉचमन सकाळी शौचालयात गेला असता चोरट्यांनी संधी साधून चोरी केली आहे. विविध मॉडेलच्या एका घडाळ्याची किंमत २५ ते ५० हजार रुपयांपर्यंत आहे.

Check Also

मतदारांना काय पाहिजे की आमच्या भागाचा विकास कोणी केला – मंगला कदम

Click on Below Video Related

Leave a Reply

Your email address will not be published. Required fields are marked *