facebook
Tuesday , February 28 2017
Breaking News
Home / Featured / मराठा समाजाला ग्राह्य धरू नका : नारायण राणे

मराठा समाजाला ग्राह्य धरू नका : नारायण राणे

आवाज न्यूज नेटवर्क –

नागपूर – आरक्षणावरून सरकार चालढकल करीत असल्याने मराठा समाज मूकमोर्चा काढून आपला संताप व्यक्त करीत आहेत. त्यामुळे त्यांच्या संयमाचा अंत पाहू नका. त्यांना गृहित तर मुळीच धरू नका, असा सणसणीत टोला कॉँग्रेसचे ज्येष्ठ नेते नारायण राणे आणि पृथ्वीराज चव्हाण यांनी मंगळवारी सरकारला अप्रत्यक्षपणे लगावला.

विधिमंडळाच्या कामकाजात सहभागी होत असताना माजी मुख्यमंत्री पृथ्वीराज चव्हाण पत्रकारांशी साधलेल्या संवादात म्हणाले, कॉँग्रेसने २०१३ मध्येच मराठा समाजाला आरक्षण देण्याचे धोरण आणले होते. राणे समितीच्या अहवालानुसार कॉँग्रेस सरकारने मराठा समाजाला आरक्षण लागू केले होते. मात्र न्यायालयात सरकारने उशिरा बाजू मांडली. सरकारने लवकरात लवकर आपली भूमिका न्यायालयासमोर मांडली असती तर मराठा समाजाच्या संतापाचा असा उद्रेक झाला नसता. हे सरकार आरक्षणाच्या मुद्यावरून राजकारण करीत मराठा समाजाला डावलत आहे.
हा धागा पकडून राणे म्हणाले, मराठा समाजाला आरक्षण लागू करण्याची मानसिकता सरकारने दाखविली असली तरी न्यायालयात सरकारने उशिरा शपथपत्र सादर केले, हे नाकारता येणार नाही. त्यामुळेच राज्यात मराठा समाजाने आतापर्यंत कोणत्याही राजकीय व्यासपीठाशिवाय ४६ मोर्चे काढले आहेत. आता सरकारने न्यायालयीन प्रक्रियेत आणखी चालढकल केली तर मराठा समाजाच्या संतापाचा उद्रेक होईल. त्यामुळे त्यांचा अंत पाहू नका, असेही ते गरजले.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *