facebook
Sunday , March 26 2017
Breaking News
Home / Featured / ‘रानफुल’ची नेपाळसाठी निवड

‘रानफुल’ची नेपाळसाठी निवड

आवाज न्यूज नेटवर्क –

अहमदनगर – शेवगाव तालुक्यातील भायगाव येथील जिल्हा परिषद प्राथमिक शाळेत चित्रीकरण झालेल्या ‘रानफुल’ या लघुपटाची पहिल्या नेपाळ आंतरराष्ट्रीय लघुपट महोत्सवासाठी निवड झाली. अॅड. चेतन गांधी यांच्या कथेवर आधारित असणाऱ्या लघुपटाचे दिग्दर्शन रीमा सदाशिव अमरापूरकर यांनी केले आहे.

नेपाळमधील धारण येथे ११ ते १४ जानेवारी दरम्यान आंतरराष्ट्रीय लघुपट महोत्सव होणार असून त्यासाठी जगभरातील दर्जेदार लघुपट मागवण्यात आले होते. यामध्ये ‘रानफुल’ची निवड झाली आहे. सरकारी शाळातील मुलांना मानवी हक्कात समावेश असूनदेखील अनेक सुविधा मिळत नाहीत. मात्र, या मुलभूत सुविधा विद्यार्थ्यांना न मिळाल्यास त्यांचा काय परिणाम होऊ शकतो, हे या लघुपटातून दाखवले आहे. शाळेतील मुलभूत गरजा व त्यांचा शिक्षणावर होणार विपरीत परिणाम मांडण्याचा प्रयत्न केलेल्या या लघुपटामध्ये मुख्य भूमिका मुग्धा घेवरीकरने केली असून मधुरा म्हस्के, माऊली पाटील, सुखदेव शिंदे यांनीही चित्रपटामध्ये काम केले आहे.

शाळेमध्ये विद्यार्थ्यांना पिण्याचे पाणी, स्वच्छतागृह, अशा मूलभूत गरजा द्याव्यात, असे सरकार सांगते. प्रत्यक्षात ग्रामीण भागामध्ये अनेक मूलभूत सुविधा मिळत नाहीत. ‘रानफुल’या लघुपटातून या सर्वावर प्रकाश टाकण्यात आला आहे.

– रीमा अमरापूरकर, दिग्दर्शक

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *