facebook
Thursday , May 25 2017
Breaking News
Home / Featured / ‘एमकेसीएल’चा गाशा गुंडाळणार

‘एमकेसीएल’चा गाशा गुंडाळणार

आवाज न्यूज नेटवर्क –

नागपूर – मुंबई विद्यापीठाच्या टी.वाय बी.कॉम.च्या पाचव्या सेमीस्टरच्या सुमारे ५० हजाराहून जास्त विद्यार्थ्यांना चुकीचे हॉलतिकीट देण्यात आल्याचा मुद्दा विधानसभेत उपस्थित करण्यात आला. या प्रश्नाला लेखी उत्तर देताना उच्च व तंत्रशिक्षण मंत्री विनोद तावडे यांनी परीक्षासंदर्भात निगडीत कामे करून घेण्यासाठी विद्यापीठातील परीक्षा विभागामार्फत स्वतःची यंत्रणा उभी करण्याचे काम सुरू असल्याची माहिती दिली.

मुंबई विद्यापीठाच्या टी. वाय. बी. कॉमच्या पाचव्या सेमिस्टरच्या सुमारे ५० हजारपेक्षा जास्त विद्यार्थ्यांना चुकीचे हॉल दिल्यामुळे उडालेल्या गोंधळाचा मुद्दा आमदार सीमा हिरे यांनी विधानसभेत उपस्थित केला. या गोंधळासाठी जबाबदार असलेल्या एमकेसीएलला परीक्षा नियंत्रकांनी २१ ऑगस्ट २०१६ रोजी कारणे दाखवा नोटीस पाठविली होती. एमकेसीएलने गेल्या १० वर्षांत गैरप्रकार केले असल्याने या संस्थेला पुन्हा काम का दिले ,असा प्रश्नही हिरे यांनी उपस्थित केला. यावर उत्तर देताना तावडे यांनी व्दितीय सत्र २०१६ ची परीक्षा जवळ आल्यामुळे वेळेअभावी एमकेसीएलला काम दिल्याचे सांगितले. या संस्थेचे कंत्राट रद्द करण्याच्या मागणीलाही सकारात्मक प्रतिसाद देत परीक्षासंदर्भात निगडीत कामे करण्यासाठी विद्यापीठातील परीक्षा विभागाच्यावतीने स्वतःची स्वतंत्र यंत्रणा उभी करण्याचे काम सुरू असल्याचे तावडे यांनी सांगितले.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *