facebook
Friday , May 26 2017
Breaking News
Home / Featured / शिवसेनास्टाइल आंदोलनावर टीका

शिवसेनास्टाइल आंदोलनावर टीका

आवाज न्यूज नेटवर्क –

नागपूर – सकल मराठा समाजाच्यावतीने मराठा आरक्षणाच्या मुद्यावरून विधिमंडळावर बुधवारी आयोजित मूकमोर्चाला पाठिंबा देत श्रेय लाटण्यासाठी सत्तापक्ष शिवसेनेच्या आमदारांनी विधिमंडळ परिसरात शिवशाहीस्टाइल आंदोलनाचा स्टंट केला.

विधिमंडळाच्या कामकाजाला सुरुवात होताच शिवसेनेचे आमदार भगवे फेटे बांधून पायरीवर एकत्र आलेत. शिवरायांचा जयघोष करीतच ते शिवसेना पक्ष कार्यालयातून सभागृहात एकजूट दाखविण्यासाठी एकत्र आले. जय भवाना जय शिवाजी अशी घोषणाबाजी करीतच त्यांनी विधानसभेत प्रवेश केला. मराठ्यांना आरक्षण मिळालेच पाहिजे, असा आंदोलनाचा पवित्रा घेतलेल्या सत्तापक्ष शिवसेनेच्या आमदारांमध्ये प्रताप सरनाईक, एकनाथ शिंदे, तानाजी सावंत, बाळू धानोरकर, संजय राठोड, राजेंद्र क्षीरसागर, गुलाबराव पाटील आदींचा समावेश होता.

शिवसेना हा भाजपा युतीतला सत्तापक्ष आहे. त्यामुळे त्यांनीच मराठा आरक्षणावरून सरकारला कोंडीत पकडल्याने परिसरात कुजबूज सुरू होती. त्याचा जाहीर समाचार समाजवादी पक्ष, कॉँग्रेसने घेतला.

संघाच्या तालावर नाचते सरकार

या मुद्यावर थेट राष्ट्रीय स्वयंसेवक संघाकडे बोट दाखवत राष्ट्रवादीचे ज्येष्ठ नेते जयंत पाटील म्हणाले, हे सरकार संघाच्या तालावर नाचत आहे. संघाला कोणत्याही समाजाचे आरक्षण नको आहे. त्यामुळे भाजपा सरकार आरक्षणावरून पळ काढत आहे. राधाकृष्ण विखे पाटील म्हणाले, उत्सवात फेटे बांधले जातात, याचे भानही शिवसेना आमदारांना उरलेले नाही. एखादा इव्हेंट साजरा करावा, अशी ही कृती आहे. यातून शिवसेना काय साध्य करत आहे. माजी मुख्यमंत्री पृथ्वीराज चव्हाण म्हणाले, आघाडी सरकारने मराठा आरक्षणावर कायदा तयार केला होता. मात्र, त्यानंतर सत्तेवर आलेल्या भाजपाने शपथपत्र सादर करण्यास उशीर लावला. न्यायालयाने फटकारल्यानंतर हे सरकार ताळ्यावर आले. त्यामुळे हे सरकार जनतेची दिशाभूल करीत असल्याचेही ते म्हणाले.

नाटकं करण्यापेक्षा सत्तेतून बाहेर पडा

शिवसेनेच्या या आंदोलनावर जाहीर टीका करीत सपाचे आमदार अबू आझमी म्हणाले, हे आंदोलन बघून हसायला येत आहे. जे सत्तेत आहेत तेच आरक्षणाची मागणी करत आहेत. बाळासाहेब ठाकरे शक्तिशाली होते. त्यांना कधी दिल्ली दरबारी जावं लागल नाही. मोठे मोठे नेते, राष्ट्रपती त्यांना भेटायला यायचे. याच बाळासाहेबांचे पुत्र उद्धव ठाकरे बाळासाहेबाच्या तुलनेत कमी पडत आहेत. हे सरकार जर मराठा आरक्षण देत नसेल तर त्यांनी सत्तेतून बाहेर पडावे. मराठा आरक्षणाच्या मुद्यावर सत्तेतून बाहेर पडल्यावरच आपल्याला मराठ्यांची काळजी असल्याचे दिसून येईल, असा टोलादेखील त्यांनी लगावला. मराठा आरक्षणासाठी टिव्हीवर येण्यापुरते यांचे आदोलन आहे. सर्व मुस्लिम बांधव मराठा तसेच अन्य समाजातील पीडित वर्गासाठी आरक्षणाची मागणी करत आहेत. मात्र, सभागृहात शिवसेना आमदार बोलत नाहीत, अशी खंतदेखील त्यांनी बोलून दाखविली.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *