facebook
Sunday , February 26 2017
Breaking News
Home / औरंगाबाद / कुलगुरू, विद्यार्थ्यांसाठी दररोज वेळ द्या

कुलगुरू, विद्यार्थ्यांसाठी दररोज वेळ द्या

विद्यार्थ्यांच्या समस्या सोडविण्यासाठी कुलगुरू डॉ. बी. ए. चोपडे यांनी दररोज किमान दीड तासाचा वेळ द्यावा, यासह विविध मागण्यांसाठी डॉ. बाबासाहेब आंबेडकर मराठवाडा विद्यापीठात राष्ट्रवादी विद्यार्थी काँग्रेसतर्फे गुरुवारी थाळीनाद करण्यात आला.
विद्यार्थ्यांच्या प्रश्नांबाबत विद्यापीठ प्रशासन दुजाभाव करते आहे. विद्यार्थ्यांसाठी उभारण्यात आलेले लंच होम बंद आहे. वसतिगृहात स्वच्छ पाणीपुरवठा होत नाही, आरोग्य केंद्रामध्ये पुर्णवेळ तज्ज्ञ डॉक्टर, कर्मचारी नसल्याने विद्यार्थ्यांच्या अडचणीत भर पडली आहे. निवेदन देऊनही प्रशासन कारवाई करत नसल्याने थाळीनाद करत प्रशासनाचा निषेध करण्यात आला. आपल्या दौऱ्यांमुळे चर्चेत राहणारे कुलगुरू यांचे विद्यार्थ्यांच्या प्रश्नांकडे दुर्लक्ष असल्याचा आरोप करत, प्रशासनाविरुद्ध घोषणाबाजी करण्यात आली. थाळीनादनंतर विविध मागण्यांचे निवेदन देण्यात आले. आंदोलनाला प्रदेश सचिव अक्षय पाटील, विद्यापीठ अध्यक्ष अमोल दांडगे, शहराध्यक्ष राहुल तायडे, कार्याध्यक्ष मयूर सोनवणे, दीपक बहीर, गणेश फरताडे, विकास ठाले, दीपक काळजाते, स्वप्नील बोराडे, शिवंधर कोरडे, गौतमी सुरवसे, किरण अंभोरे, दीक्षा पवार, परमेश्वर काळे यांची उपस्थिती होती.

संघटनेच्या मागण्या
लंच होम तत्काळ सुरू करावे, पूर्णवेळ कुलसचिव, परीक्षा नियंत्रकांची नेमणूक करावी, वसतिगृह, विभागांमध्ये पिण्याचे स्वच्छ पाणी पुरवावे, आरोग्यकेंद्रात तज्ज्ञ डॉक्टर-प्रशिक्षित कर्मचारी, यंत्रसामुग्री उपलब्ध करून २४ तास सुविधा द्यावी, विद्यार्थ्यांच्या समस्या सोडविण्यासाठी कुलगुरूंनी रोज दीड तास वेळ द्यावा, नवीन वसतिगृहात विद्यार्थिंनींना तत्काळ प्रवेश द्यावा, मुलांसाठी नवीन वसतिगृह बांधावे, वसतिगृह, ग्रंथालयास कुलगुरूंनी महिन्यातून एकदा भेट द्यावी, विद्यार्थी तक्रार निवादन दिन आयोजित करावा.

Check Also

गोवंश हत्याबंदीला सुप्रीम कोर्टात आव्हान

गोवंश हत्याबंदी दुरुस्ती कायदा रद्द करण्याबाबतची जनहित याचिका मुंबई हायकोर्टाच्या औरंगाबाद खंडपीठाने फेटाळली होती. या …

Leave a Reply

Your email address will not be published. Required fields are marked *