facebook
Thursday , April 27 2017
Breaking News
Home / पुणे / जकात नाके पीएमपीला

जकात नाके पीएमपीला

पुणे महापालिकेच्या जकात नाक्यांच्या चार जागा पुणे महानगर परिवहन महामंडळाला (पीएमपी) ३० वर्षांसाठी भाडेतत्त्वावर देण्यास स्थायी समितीने गुरुवारी मान्यता दिली. या चारही जागा पीएमपीला बस पार्किंग आणि बस संचलनासाठी वापरता येतील.
महापालिका हद्दीत स्थानिक संस्था कर (एलबीटी) लागू झाल्यापासून जकात नाक्यांच्या जागांचा वापरच होत नव्हता. शहरातील महत्त्वाच्या ठिकाणी असलेल्या या जागा पीएमपीच्या वापरासाठी देण्याची मागणी केली होती. त्यानुसार, यापूर्वी ११ महिन्यांच्या कराराने पालिकेने शेवाळवाडी (सोलापूर रोड), भेकराईनगर (सासवड रोड), शिंदेवाडी (सातारा रोड), भूगाव (पौड रोड) आणि बालेवाडी (कात्रज-देहूरोड बायपास) या पाच जकात नाक्यांचा जागा पीएमपीला दिल्या होत्या. त्यापैकी, बालेवाडीची जागा वगळता इतर चारही जागा पीएमपीला दीर्घकालीन वापरासाठी देण्याचा प्रस्ताव स्थायी समितीने मंजूर केला. या जागांमुळे पीएमपीला तब्बल ८५ हजार चौरस मीटर जागा कायमस्वरूपी वापरास उपलब्ध होणार आहे. पालिकेला आवश्यक असेल, त्यावेळी या जागा परत करण्याचे बंधन घालण्यात आले आहे. तसेच, पालिकेच्या परवानगीशिवाय या ठिकाणी कोणत्याही स्वरूपाचे पक्के बांधकाम केले जाऊ नये, अशी अट घालण्यात आली आहे.
महापालिकेच्या मिळकत वाटप नियमावली २००८ नुसार या सर्व जागांचे भाडे पीएमपीला भरावे लागणार आहे. त्यामध्ये, दर वर्षी १२ टक्के वाढ करण्याचेही प्रस्तावित करण्यात आले आहे.

श्रीकर परदेशींचे प्रयत्न फळाला
पीएमपीचे तत्कालील अध्यक्ष आणि व्यवस्थापकीय संचालक डॉ. श्रीकर परदेशी यांनी जकात नाक्यांच्या जागा मिळविण्यासाठी सर्वप्रथम पाठपुरावा केला होता. त्यानंतर, पीएमपीचे माजी अध्यक्ष अभिषेक कृष्णा यांच्या कार्यकाळात या जागांचा प्रत्यक्ष वापर करण्यास पीएमपीने सुरुवात केली. डेपो आणि बस संचलनासाठी त्याचा वापर वाढल्याने या जागा दीर्घ कालावधीसाठी पीएमपीच्या ताब्यात द्याव्या, अशी मागणी करण्यात आली होती.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *