facebook
Thursday , May 25 2017
Breaking News
Home / Featured / जलसंपदातील कर्मचाऱ्यांचे आंदोलन

जलसंपदातील कर्मचाऱ्यांचे आंदोलन

आवाज न्यूज नेटवर्क –

जळगाव – जलसंपदा विभागातील दप्तर, कारकून, कालवा निरीक्षक, मोजणीदार या संवर्गाच्या क्षेत्रीय व कार्यालयीन कर्मचाऱ्यांनी प्रलंबित मागण्यांसाठी राज्यव्यापी आंदोलनाचा दुसरा टप्पा गुरुवारी ए‌क दिवसीय रजा टाकून धरणे आंदोलन करत पूर्ण केला. महाराष्ट्र राज्य सिंचन कर्मचारी संघटनेतर्फे मागण्यांचे निवेदन अधीक्षक अभियंता व प्रशासक, लाभक्षेत्र विकास प्राधीकरणाला देण्यात आले.

आंदोलनकर्त्या कर्मचाऱ्यांच्या मागण्यांमध्ये दप्तर कारकून, कालवा निरीक्षक, मोजणीदार पदांचे सुसुत्रीकरण, एकच सिंचन सहाय्यक संवर्ग निर्माण करावा, सिंचन सहाय्यक संवर्गास ग्रेड वेतन २ हजार ४०० करावे, मासिक प्रवास भत्ता ३ हजार रुपये मासिक वेतनात अदा करावा, संबंधित कामांची पदे मोठ्या प्रमाणात रिक्‍त असल्‍याने त्वरित पदभरती करावी, जुनी पेन्शन योजना लागू करावी, महिला कर्मचाऱ्यांची क्षेत्रीय कामे असल्याने त्यांना सुरक्षिततेची हमी द्यावी, शासन राबवित असलेल्या पाणी वापर संस्थेचा मूळ उद्देश स्पष्ट करावा यासह विविध मागण्यांचा समावेश आहे. यानंतरही शासनाने दखल न घेतल्यास २६ डिसेंबरपासून कामबंद आंदोलनाचा इशारा संघटनेने दिला आहे. महाराष्ट्र राज्य सिंचन कर्मचारी संघटनेचे राज्य उपाध्यक्ष किशोर पाटील, वाय. बी. पाटील, धुडकू पाटील, चेतन देवराज, पंकज लोखंडे, नितीन बोरसे यांच्यासह जळगाव, धुळे, नंदुरबार विभागातील कर्मचारी उपस्थित होते.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *