facebook
Thursday , April 27 2017
Breaking News
Home / पुणे / दुसऱ्या टप्प्यात भाजप, राष्ट्रवादीची सरशी

दुसऱ्या टप्प्यात भाजप, राष्ट्रवादीची सरशी

पुणे जिल्ह्यातील दहा नगरपरिषदांच्या निवडणुकीत राष्ट्रवादी काँग्रेसने चार नगरपरिषदा काबीज करून आणि सर्वाधिक ७१ जागा मिळवून बालेकिल्ला शाबूत ठेवण्यात यश मिळवले, तर भारतीय जनता पक्षाने तीन ठिकाणी निर्विवाद विजय मिळवून जिल्ह्यातील दुसऱ्या क्रमांकाचा पक्ष म्हणून मुसंडी मारली. काँग्रेसने माजी आमदार चंदुकाका जगताप यांच्या ‘जनमत विकास आघाडी’सह दोन नगरपरिषदा ताब्यात घेऊन आब राखला.

जिल्ह्यातील दहापैकी बारामती, दौंड, इंदापूर आणि जुन्नर या चार नगरपरिषदांमध्ये राष्ट्रवादी काँग्रेस, भाजपकडे लोणावळा, तळेगाव दाभाडे आणि आळंदी, काँग्रेसकडे जेजुरी आणि काँग्रेसप्रणित ‘जनमत विकास आघाडी’कडे सासवड; तसेच शिरूरमध्ये ‘शिरूर शहर विकास आघाडी’ यांनी विजय मिळवला.

या निवडणुकीत राष्ट्रवादी सर्वाधिक ७१ , तर भाजपला ३४ जागा मिळाल्या. काँग्रेसला २५ आणि शिवसेनेला २१ जागा मिळवता आल्या. अपक्ष आणि वेगवेगळ्या आघाड्यांनी ३४ जागा पटकावल्या. लोणावळ्यात ‘आरपीआय’ने खाते उघडले. तळेगाव दाभाडेची सत्ता राखण्याबरोबरच आळंदी आणि लोणावळा या नगरपालिका त्यांनी खेचून आणल्या. अन्य ठिकाणी मात्र भाजपची डाळ शिजली नाही. बारामतीत भाजपप्रणीत आघाडीला चार आणि शिरूरमध्ये दोन जागा मिळवता आल्या. दौंड, इंदापूर, जेजुरी, जुन्नर आणि सासवड येथे भाजपला खातेही उघडता आले नाही. मात्र, ३४ जागा घेत भाजप दुसऱ्या क्रमांकावरील पक्ष झाला.

राष्ट्रवादी काँग्रेसकडे अनेक वर्षांपासून असलेली जेजुरी नगरपालिका काँग्रेसने हिसकावून घेतली, तर राष्ट्रवादी काँग्रेसने काँग्रेसकडे असलेल्या इंदापूर नगरपरिषदेवर ताबा मिळवला. आळंदीमध्ये भाजप आणि शिवसेना यांच्यातच लढत झाली. शिवसेनेला सहा जागा मिळाल्या; पण भाजपने निर्विवाद यश प्राप्त केले. लोणावळ्यात काँग्रेसप्रमाणेच शिवसेनेने सहा जागा ​मिळवल्या.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *