facebook
Thursday , April 27 2017
Breaking News
Home / Featured / पाण्यासाठी वणवण कायम

पाण्यासाठी वणवण कायम

बीएआरसी, आरसीएफ यांसारख्या महत्त्वाच्या कंपन्या या वार्डात असल्या, तरी या वॉर्डातील सामान्य नागरिकांची अनेक समस्यांच्या विळख्यातून सुटका झालेली नाही. एकीकडे बड्या कंपन्या आणि उंच इमले बांधले गेले असले, तरी अनेक भागांत आजही पाण्यासाठी वणवण करावी लागत आहे. वाढते अतिक्रमण आ​​णि झोपडपट्ट्यांमधून मोकळा श्वास घेता यायला हवा, अशी प्रतिक्रिया स्थानिक व्यक्त करत आहेत.

वाहतुकीची समस्या

एम पूर्व वॉर्ड म्हणजे नवी मुंबई व पूर्व उपनगरांच्या दृष्टीने महत्त्वाचे जंक्शन आहे. मात्र या भागाला प्रदूषणाचा विळखा आहे. जवळच्या देवनार डम्पिंग ग्राऊंडमुळे स्थानिकांना प्रदूषण व दुर्गंधीचा त्रास सहन करावा लागत आहे. जलद प्रवासाचा ईस्टर्न फ्रीवे इथे असताल, तरी अन्य रस्त्यांची मोठी दुरवस्था झाली आहे. शिवाजी चौक, पांजरापोळ आणि शहागच्छी रस्त्याला ही समस्या भेडसावते. फ्रीवे सुरू होतो, त्या शिवाजी चौकात सात-आठ रस्ते एकत्र येतात. येथे जवळच शाळा, कॉलेज व मोठी लोकवस्ती आहे. परंतु येथे क्रॉसिंगची वा पादचारी पुलाची व्यवस्था नसल्याने त्यांना जीव मुठीत घेऊन रस्ता ओलांडावा लागतो. या भागात मोठ्या प्रमाणात अतिक्रमण झाले असून या शिवाजी नगर, बैंगनवाडी, चित्ता कॅम्प आदी मोठ्या झोपडपट्ट्या आहेत. अनेक वर्षांपासून हा प्रश्न सुटलेला नाही.

– मंजू सक्सेना, ग्रीन एकर्स रेसिंटड फोरम

अतिक्रमणे, कचऱ्याचे ढीग

या वॉर्डात शिवाजी नगर, बैंगनवाडी, चित्ता कॅम्प यासारख्या मोठ्या झोपडपट्ट्या आहेत. अतिक्रमणेही मोठ्या प्रमाणात आहेत. राजकीय वरदहस्तामुळे येथील अतिक्रमणांवर कारवाई होत नाही. शिवाजी नगर, बैंगनवाडी, कमला नगर या भागात कचऱ्याचा प्रश्न वर्षांनुवर्षे तसाच कायम आहे. अनेक ठिकाणी कचऱ्यांचे ढीग साचून राहिल्याचे दिसतात. त्यामुळे परिसरात दुर्गंधही पसरते. काही ठिकाणी लहान मुलांना रस्त्यावर शौचास बसविण्यात येत असल्याने अस्वच्छता पसरली असून आरोग्याच्या तक्रारींनी डोके वर काढले आहे. त्याचबरोबर या भागात वाढत्या प्रदूषणाचे आव्हान असून वारंवार आंदोलने झाल्यानंतरही कोणतीही कारवाई होताना दिसत नाही. वाहतूक कोंडीमुळेही स्थानिकांना फटका बसत आहे. वाढती वाहनांची संख्या आणि रस्त्याची दुर्दशा यामुळे प्रचंड त्रास सहन करावा लागत असून याकडे कोणाचेही लक्ष द्यायला तयार नाही. – सय्यद आवेद हुसेन, अॅक्टिव इंटरलिजिंट मूव्हमेंट

गावठाणांची कोंडी, विद्यार्थ्यांची गळती

एम पूर्व वॉर्डमध्ये टॉवर, झोपडपट्टी, गावठाणे आणि मॉल्स अशी संमिश्र लोकवस्ती आहे. त्या मानाने या विभागाचा विकास झालेला नाही. आजही शिवाजी नगर, महाराष्ट्र नगर या भागात पाण्यासाठी वणवण कायम आहे. शिवाजी नगर, बैंगनवाडी, इमलानगर, कमला नगर या भागात कचऱ्याचा प्रश्न वर्षांनुवर्षे तसाच आहे. वॉर्डात साधारण पाच ते सात गावठणे आहेत. त्यांचा विकास अद्याप झालेला नाही. गावठाण भागातील अनेक घरे पडायला आलेली आहेत. परंतु या हक्काच्या घरांची सुधारणा करताना त्यांना महापालिका आणि पोलिसांकडून त्रास दिला जातो. घरे दुरुस्ती करायला तरी महापालिकेने परवानगी द्यावी, यासाठीची विनवणी अनेक वर्षांपासून कायम असल्याचे दिसून येते. त्याशिवाय शाळांमधून विद्यार्थ्यांच्या गळतीची गंभीर समस्या या भागात आहे. महाराष्ट्र नगर, शिवाजी नगर या परिसरात शाळांची संख्या कमी असल्याने त्याचा फटका शिक्षणाला, पर्यायाने पुढच्या पिढीला बसत आहे. याकडे लक्ष द्यायलाच हवे.

– संतोष सुर्वे, सचिव, जनजागृती विद्यार्थी संघ

प्रदूषणाचा विळखा

आज या वॉर्डात लोकांना सतावणारी प्रमुख समस्या म्हणजे वाढते प्रदूषण. जवळच्या देवनार डम्पिंग ग्राऊंडमुळे येथील स्थानिक हैराण झाले आहे. येथे लागणाऱ्या आगींसह इतर अनेक कारणांमुळे गेल्या काही दिवसांपासून वायूप्रदूषणात प्रचंड झाली आहे. मात्र प्रशासनाकडून कोणतेही प्रयत्न होताना दिसत नाहीत. वर्षभरापूर्वी आम्ही यासंदर्भात आंदोलन केले होते. त्यानंतर समिती नेमण्यात आली. मात्र त्यानंतरही प्रश्न सुटलेला नाही. वाढत्या प्रदूषणामुळे स्थानिकांच्या आरोग्याच्या तक्रारी वाढल्या आहेत. त्यामुळे या प्रश्नाला प्राधान्य देण्याची गरज आहे. प्रदूषणाची समस्या लवकर मार्गी लावण्यासाठी प्रशासनाने उपाययोजना करणे गरजेचे आहे.

– आशीष ठाकूर

अस्वच्छता, अनारोग्य

एम पूर्व विभागामध्ये बऱ्याच ठिकाणी झोपडपट्टी आहे. स्वच्छतागृहे नावाला आहेत, त्यांची दुरवस्था झाल्यामुळे ती वापरण्यायोग्य नाहीत. त्यामुळे लहान मुलांना उघड्यावर शौचाला बसवण्यात येते. त्याचा सरसकट सर्वच परिसरावर परिणाम होतो. शिवाय, या भागात कचऱ्याच साम्राज्य पसरले आहे. कचऱ्याचे व्यवस्थापन नीट होत नाही. बऱ्याच ठिकाणी उघडी गटारे असल्यामुळे घाणीचे सम्राज्य आहे. गटारांमुळे डासांसी समस्या वाढीला लागली आहे. अणुशक्तीनगर, बीएआरसी, टाटा कॉलनी, आरसीएफ कॉलनी यासारख्या परिसरांमध्ये चांगले रस्ते आहेत. मात्र झोपडपट्टी परिसरात अनेक ठिकाणी खड्डे आहेत. नगरसेवकही फारसे इथे फिरकत नाहीत. बऱ्याच स्वयंसेवी संस्था येथे काम करत आहेत. मात्र आंदोलने करूनही योग्य ते सहकार्य नगरसेवकांकडून मिळत नाही.

– विनोद तांबे

सीमारेषा

रफिकनगर, इंदिरानगर, कमलानगर, आदर्शनगर, शिवाजीनगर बस डेपो , रमाबाईनगर, मोहिते पाटीलनगर, चिकूवाडी, एकतानगर, मंडाला, आदसानगर फेज २, शिवाजीनगर टर्मिनस, शिवाजीनगर, नूर- ए- ईलाही मस्जिद, रमणमामानगर फेज १, मेट्रो हॉस्पिटल, शिवाजीनगर हॉस्पिटल, म्युनिसिपल ऊर्दू स्कूल , नटवर पारेख कंपाऊंड, इंडियन ऑईलनगर, एसीसी नगर, लोटस कॉलनी, म्हाडा कॉलनी, शिवाजीनगर जंक्शन , गौतमनगर, न्यू गौतमनगर, निमोनीनगर, टाटानगर, देवनार स्लॉटर हाऊस, म्युनिसिपल कॉलनी सेक्टर १,२ आणि एच ३ ब्लॉक, अण्णाभाऊ साठेनगर, झाकिर हुसेननगर, लल्लुभाई कंपाऊंड, ज्योतिर्लिंगनगर, पीएमजी कॉलनी, लाले आमीरचंद कॉम्प्लेक्स, महाराष्ट्रनगर, चिता कँप (सेक्टर ए, सी, डी, एफ, जी, एच, आय, जे), देवनार व्हिलेज, शिवनेरीनगर, टेलिकॉम फॅक्टरी कॉलनी, अमरनगर, एमबीपीटी कॉलनी, न्यू मंडाला, मानखुर्द गाव, बीएसएनएल टेलिकॉम फॅक्टरी, अप्पर ट्रॉम्बे, ट्रॉम्बे कोळीवाडा, धोबीघाट, दत्तानगर, शहाजीनगर, पायलीपाडा, अणुशक्ती कॉलनी, वाडवली गाव, सह्याद्रीनगर, अणुशक्तीनगर, बीएआरसी, टाटा कॉलनी, आरसीएफ कॉलनी, बीपीसीएल कॉलनी, एमएमआरडीए कॉलनी, अयोध्यानगर, एचपी नगर, भारतनगर, विष्णूनगर, भारत पेट्रोलियम रिफायनरी.

नगरसेवक संख्या

२०१२ – १३

२०१७ -१५

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *