facebook
Sunday , January 22 2017
Breaking News
Home / Featured / मुंबईतही निघणार मराठा मोर्चा!

मुंबईतही निघणार मराठा मोर्चा!

नागपूर येथे दोन दिवसांपूर्वी झालेल्या मराठा मोर्चामध्ये समाजाच्या मराठा आरक्षणाची मागणी पूर्ण होण्यासंदर्भातील ठाम संकेत मिळाले असते, तर मुंबईत मराठा मोर्चा काढण्यासंदर्भातील विचार लांबणीवर पडला असता. मात्र नागपूरमधील मराठा क्रांती मूक मोर्चानंतर मुख्यमंत्र्यांनी पुन्हा एकदा आश्वासनाखेरीज काहीच न दिल्याने मुंबईत शक्तिप्रदर्शन करण्याचा मराठा समाजाचा इरादा पक्का झाला आहे. मराठा समाजाच्या महाराष्ट्र राज्य समन्वय समितीची या मोर्चाच्या आयोजनासंदर्भातील बैठक १८ डिसेंबरला पुण्यात होणार असून त्यात मुंबईतील मोर्चासंदर्भातील धोरण ठरवण्यात येणार आहे.

नागपूर येथे झालेल्या मोर्चादरम्यान मराठा समाजाने महाराष्ट्र राज्य समन्वय समितीच्या मदतीने तयार केलेल्या मागण्यांचा पुनरुच्चार केला. विदर्भातील कुणबी समाजाचे प्राबल्य लक्षात घेता या मोर्चाचे नामकरणही मराठा- कुणबी मूक क्रांती मोर्चा असे करण्यात आले होते. मुंबईहून या मोर्चासाठी दहा हजारांहून अधिक आंदोलक हजेरी लावण्याची अपेक्षा होता. मात्र रेल्वेने विशेष गाड्या देण्याची मागणी ऐनवेळी नाकारल्यामुळे मुंबईचा सहभाग आटला. मुख्यमंत्र्याशी झालेल्या चर्चेमध्ये मराठा समाजाच्या राज्य पातळीवरील समन्वय समितीच्या शिष्टमंडळाऐवजी स्थानिकांना प्राधान्य देण्यात आले. मराठा आरक्षण हा भावनेचा नसून कायद्याचा प्रश्न आहे, असे मुख्यमंत्र्यांनी चर्चेदरम्यान सांगितले. मात्र आरक्षण कधी मिळेल, राज्य सरकारला आरक्षणाच्या मागणीची पूर्तता करणे शक्य नसेल, तर केंद्र सरकारने यात हस्तक्षेप करून निर्णय द्यावा, अशी केली जात आहे.

पालिका निवडणुकांच्या पार्श्वभूमीवर लागू होणा-या आचारसंहितांच्या तारखा व मुंबईतील विविध संस्थांचे मनुष्यबळ लक्षात घेता या मोर्चाची तारीख व त्याचे नियोजन पुणे येथे होणा-या बैठकीमध्ये करण्यात येणार आहे. नागपूरमधील मोर्चामध्ये भ्रमनिरास झाल्यामुळे मुंबईत संपूर्ण ताकदीनिशी उतरण्याचा निर्णय घेण्यात आला आहे. – वीरेंद्र पवार, मराठा क्रांती मूक मोर्चा समन्वय समिती

Check Also

विकास कामे झाली, पण ठराविक लॉबीचीच झाली – यशवंत भोसले

Click on Below Video Related

Leave a Reply

Your email address will not be published. Required fields are marked *