facebook
Tuesday , January 24 2017
Breaking News
Home / पुणे / लोणावळ्यात भाजपच

लोणावळ्यात भाजपच

लोणावळा नगरपालिकेच्या झालेल्या चुरशीच्या सार्वत्रिक निवडणुकीत भाजपच्या सुरेखा जाधव यांनी शिवसेनेच्या शादान चौधरी यांचा १६३१ मतांनी दणदणीत पराभव करून त्या दुसऱ्यांदा नगराध्यपदी विराजमान झाल्या. भाजपचेच सर्वाधिक आठ नगरसेवक निवडून आले असून, शिवसेना व काँग्रेसने प्रत्येकी सहा, अपक्षांनी चार, तर ‘आरपीआय’ने एका जागेवर विजय मिळवला आहे. राष्ट्रवादी काँग्रेसला एकाही जागेवर विजय मिळवता आलेला नाही.

लोणावळ्यात काँग्रेसच्या सुवर्णा अकोलकर सर्वाधिक १२५८ मतांनी, तर भाजपचे देविदास कडू हे अवघ्या चार मतांनी विजयी झाले. मागील निवडणुकीत विक्रमी मतांनी विजयी झालेल्या नगरसेविका जयश्री इंगुळकर यांची या वेळी अनामत रक्कमही जप्त झाली असून, राजू बच्चे यांनी सलग चौथ्यांदा विजय संपादन करून विक्रम केला आहे.

लोणावळ्याचे नगराध्यक्षपद सर्वसाधारण महिलेसाठी आरक्षित होते. या पदासाठी सहा जणी रिंगणात उतरल्या होत्या. भाजपच्या सुरेखा जाधव यांनी अपेक्षितपणे विजय मिळवून त्या दुसऱ्यांदा नगराध्यक्षपदी विराजमान झाल्या. १२ विद्यमान नगरसेवक पराभूत झाले, तर सहा विद्यमान नगरसेवकांना पुन्हा विजय मिळाला.

नवी लोणावळा नगरपालिका

नगराध्यक्षा : सुरेखा जाधव (भाजप)

नगरसेवक :

भाजप : गौरी गणेश मावकर, जयश्री मारुती आहेर, भरत मारुती हारपुडे, अपर्णा विजय बुटाला, देविदास भाऊसाहेब कडू, श्रीधर सोमाप्पा पुजारी, वृंदा अनीश गणात्रा, रचना विजय सिनकर

शिवसेना : सिंधू अमोल परदेशी, शादान राजू ऊर्फ भूपेंद्र चौधरी, शिवदास वासुदेव पिल्ले, सुनील नामदेव इंगूळकर, कल्पना गंगाराम आखाडे, माणिक मोतिराम मराठे

काँग्रेस : आरोही उमेश तळेगावकर, सुवर्णा यतीन अकोलकर, सुधीर दत्तात्रय शिर्के, पूजा प्रमोद गायकवाड, संजय मोहन घोणे, संध्या सुबोध खंडेवाल

आरपीआय : दिलीप शामराव दामोदरे

अपक्ष : राजू किसन बच्चे, सेजल मुकेश परमार, अंजना विठ्ठल कडू, मंदा रमेश सोनवणे

Check Also

विकास कामे झाली, पण ठराविक लॉबीचीच झाली – यशवंत भोसले

Click on Below Video Related

Leave a Reply

Your email address will not be published. Required fields are marked *