facebook
Monday , February 20 2017
Breaking News
Home / पुणे / आत्महत्येसाठी झाडलेली गोळी शेजाऱ्याच्या मानेत

आत्महत्येसाठी झाडलेली गोळी शेजाऱ्याच्या मानेत

राष्ट्रवादी काँग्रेसच्या माजी नगरसेविकेच्या मुलाने असाध्य आजाराला कंटाळून रिक्षात स्वतःवर देशी गावठी कट्ट्यातून गोळी झाडून आत्महत्या केल्याची घटना नुकतीच घडली. मात्र, त्याच्या डोक्यातून आरपार गेलेली गोळी त्याच्या सहकाऱ्याच्या मानेत घुसल्याचा प्रकार आता समोर आला आहे. घटना घडल्यानंतर तीन दिवसांनी सांगवी पोलिसांनी हा प्रकार उघड केला आहे.

कैलास मकवन उर्फ लोहार (वय ३७, रा. पिंपळे गुरव) असे गंभीर जखमी झालेल्या तरूणाचे नाव आहे. त्याच्यावर महापालिकेच्या यशवंतराव चव्हाण रुग्णालयात उपचार सुरू असून त्याच्या मानेत गोळी अडकली आहे. शस्त्रक्रियेद्वारे ही गोळी काढण्यात येणार आहे. सेवासिंग गुरुमितसिंग अदियाल (वय ३८, रा. जवळकरनगर, पिंपळे गुरव) याने बुधवारी (दि. १४) रात्री असाध्य आजाराला कंटाळून आत्येभावाच्या रिक्षात स्वतःवर गावठी कट्ट्यातून गोळी झाडून आत्महत्या केली होती.
सेवासिंग हा राष्ट्रवादीच्या माजी नगरसेविका शोभा अदियाल यांचा मुलगा आहे. सेवासिंग याने स्वतःवर गोळी झाडली. त्या वेळी रिक्षात त्याचा आत्येभाऊ सुखविंदर सिंग आणि कैलास असे तिघे जण होते. सेवासिंगने स्वतःच्या डोक्यात गोळी झाडल्यानंतर ती गोळी सेवासिंगच्या डोक्यातून आरपार जाऊन पुढे बसलेल्या कैलासच्या
मानेत घुसली.

सुरुवातीला कैलासला किरकोळ दुखापत झाल्याचे वाटले होते. मात्र, एक्स-रे तपासणीत कैलासच्या मानेत गोळी अडकल्याचे समोर आले. त्यानुसार, गुन्हा दाखल करण्यात आला असल्याचे सांगवी पोलिसांनी सांगितले. मात्र, घटना घडल्यानंतर तब्बल तीन दिवसांनी सांगवी पोलिसांनी हा प्रकार उघड केल्याने या आत्महत्या प्रकरणाला वेगळीच कलाटणी मिळाली आहे. त्यामुळे या प्रकरणाचे गूढ आणखी वाढले आहे. सांगवी पोलिस तपास करत आहेत.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *