facebook
Friday , May 26 2017
Breaking News
Home / Featured / गोवंश वाचला पाहिजे!

गोवंश वाचला पाहिजे!

आवाज न्यूज नेटवर्क –

जळगाव – राजस्थानहून मालेगावला ८८ जनावरे घेऊन जाणारे दोन ट्रक नशिराबाद पोलिसांनी शनिवारी रात्री पकडले असून, त्यातील सात जनावरे मृत झाली होती तर तीन अत्यवस्थ स्थितीत आहेत. या सर्व जनावरांना कुसुंबा येथील अहिंसातीर्थ गोशाळेत आणण्यात आले आहे. तेथे सर्व जनावरांची काळजी घेतली जात असल्याची माहिती अहिंसातीर्थचे संचालक आर. सी. बाफना यांनी गोशाळेत पत्रकारांना दिली. शासनाने गोवंश हत्याबंदी केली असली, तरी गाई वाचवण्यासाठी प्रयत्न होत नसल्याबद्दलही त्यांनी नाराजी व्यक्त केली.

राजस्थान येथून दोन ट्रकमध्ये भरून १८ गाईचे बछडे आणि ७० गो-हे अशी ८८ जनावरे यांना मालेगावला नेण्यात येत होते. सर्वांचे पाय बांधलेले होते. त्यांना इंजेक्शन दिलेले असल्याने ग्लानी आलेली होती. मलमूत्र ट्रकमध्ये करू नये आणि त्यातून संशय येऊ नये म्हणून त्यांना खायला व प्यायला दिलेले नव्हते. शनिवारी सायंकाळी नशिराबाद पोलिसांना या जनावरांच्या गाड्या येत असल्याची माहिती मिळाल्यावरून त्यांनी रात्री नऊ वाजेपासून टोलनाक्यावर सापळा लावल्याचे नशिराबाद पोलिस स्टेशनचे उपनिरीक्षक राहूल वाघ यांनी सांगितले. रात्री साडेदहाच्या सुमारास दोन ट्रक येताच ते ताब्यात घेण्यात आले. जळगाव एमआयडीसी पोलिसांच्या माध्यमातून मध्यरात्री सर्व जनावरांना अहिंसा गोशाळेत आणण्यात आले. या प्रकरणी तीन जणांना ताब्यात घेण्यात आल्याचे पोलिसांकडून सांगण्यात आले.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *