facebook
Friday , May 26 2017
Breaking News
Home / कोल्हापूर / ‘नथुराम’ विरोधातील आंदोलकांना अटक

‘नथुराम’ विरोधातील आंदोलकांना अटक

राष्ट्रपिता महात्मा गांधी यांची हत्या करणाऱ्या नथुराम गोडसे याचे उदात्तीकरण करणाऱ्या शरद पोंक्षे लिखित ‘हे राम नथुराम’ नाटकाला विरोध करण्यासाठी आलेल्या आंदोलकांना पोलिसांनी केशवराव भोसले नाट्यगृहाबाहेरच अटक केली. कार्यकर्त्यांना पोलिसांनी देवल क्लबजवळच रोखले. या नाटकाचे सादरीकरण करण्यात येऊ नये, या मागणीसाठी जिल्ह्यातील विविध संघटनांनी जोरदार निदर्शने करत निर्माते व लेखकांविरोधात घोषणाबाजी केली. या आंदोलकांना जुना राजवाडा पोलिसांनी ताब्यात घेतल्यानंतर नाट्यप्रयोगाला सुरुवात झाली. दरम्यान, दिवसभर झालेल्या आंदोलनाच्या पार्श्वभूमीवर नाटकाच्या समर्थनार्थ आलेले शिवसेना कार्यकर्ते आणि नाट्यगृह परिसरातील कडेकोट बंदोबस्तामुळे वातावरण तणावपूर्ण बनले होते.

शहर पोलिस उपअधीक्षक भारतकुमार राणे, तीन पोलिस निरीक्षकांसह दोन स्ट्रायकिंग फोर्स नाट्यगृहात तसेच परिसरात तैनात केले होते. नाटक सुरू होण्यापूर्वी स्वाभिमान संघटना, संभाजी ब्रिगेड, काँग्रेस, स्वाभिमानी संभाजी ब्रिगेड, शिवशाही युवक क्रांती, जिजाऊ ब्रिगेड, क्षत्रिय मराठा चेंबर ऑफ कॉमर्स व ऑल इंडिया स्टुडंट काउन्सिल फेडरेशनचे कार्यकर्ते जमले होते. ‘शिवाजी महाराज की जय’, ‘गोडसेवाद, सावरकरवाद मुर्दाबाद’, ‘गोडसे पहिला देशद्रोही’, ‘महात्मा गांधी हम शर्मिंदा है, कातील अभी जिंदा है,’ अशा घोषणांनी परिसर दणाणून सोडत निदर्शने केली. यावेळी सचिन तोडकर, अभिषेक मिठारी, गिरीष फोंडे, प्रशांत पाटील, गायत्री राऊत, उमेश पवार, संदीप पाटील, दिलीप पाटील आदी कार्यकर्त्यांना ताब्यात घेतले.

दरम्यान आंदोलकांना ताब्यात घेतल्यानंतर प्रत्येक प्रेक्षकाची कसून तपासणी करुनच नाट्यगृहात सोडले जात होते. आंदोलकांना ताब्यात घेतल्यामुळे आंदोलन होणार नाही, असे वाटत असताना संभाजी ब्रिगेडच्या रुपेश पाटील व फिरोज खान उस्ताद यांनी पुन्हा घोषणाबाजी सुरु केली. त्यामुळे पोलिसांची धावपळ झाली. यांना ताब्यात घेत सर्वांची रवानगी जुना राजवाडा पोलिस ठाण्यात करण्यात आली. यावेळी शिवसेनेचे जिल्हाप्रमुख संजय पवार, विजय देवणे, हर्षल सुर्वे, रवी चौगले, कमलाकर जगदाळे आदी नाटकाला समर्थन देण्यासाठी उपस्थित होते.

Check Also

वाहतूकदारांचा शुल्कवाढीला विरोध

केंद्रीय मोटार वाहन नियमांतील विविध शुल्कात पाचपट वाढ केल्याच्या निषेधार्थ बुधवारी कोल्हापूर डिस्ट्रीक्ट लॉरी ऑपरेटर्स …

Leave a Reply

Your email address will not be published. Required fields are marked *