facebook
Sunday , March 26 2017
Breaking News
Home / Featured / नाशिकला लवकरच मिळणार मेडिकल कॉलेज

नाशिकला लवकरच मिळणार मेडिकल कॉलेज

तब्बल दीड तपापासून आस लावून बसलेल्या नाशिकच्या पदरी लवकरच मेडिकल कॉलेज पडणार आहे. नाशिक आणि जळगाव या दोन्ही शहरांच्या रूपाने उत्तर महाराष्ट्राला दोन मेडिकल कॉलेज नव्याने मिळणार आहेत. याबाबतच्या मंजुरीच्या प्रक्रिया अंतिम टप्प्यात असून, याबाबत अधिकृत घोषणा आगामी १५ दिवसांत करण्यात येईल, अशी माहिती पालकमंत्री गिरीश महाजन यांनी दिली.

महाराष्ट्र आरोग्य विज्ञान विद्यापीठाच्या दीक्षांत सोहळ्यानंतर आयोजित पत्रकार परिषदेत महाजन बोलत होते. या विषयासंदर्भात आरोग्य विद्यापीठाच्या सोहळ्याचे औचित्य साधत मंगळवारी (२० डिसेंबर) ‘महाराष्ट्र टाइम्स’ ने ‘सोळा वर्षांनंतरही मेडिकल कॉलेजची प्रतीक्षा’ या शीर्षकाखाली वृत्तमालिकेचा पहिला भाग प्रसिध्द केला होता. या विषयासंदर्भात पालकमंत्र्यांनी कारभार हाती घेताना दिलेल्या आश्वासनाची आठवण त्यांना करून देण्यात आली होती. नाशिकसाठी मेडिकल कॉलेजच्या मागणीस प्रतिसाद देत त्यांनी याबाबतची मंजुरी प्रक्रिया अंतिम टप्प्यात असल्याचे सांगितले.

नाशिकमध्ये आरोग्य विद्यापीठाच्या स्थापनेपासून मेडिकल कॉलेजची आशा निर्माण झाली होती. मात्र, त्यानंतर या दिशेने महापालिका, आरोग्य विज्ञान विद्यापीठ यासारख्या सस्थांकडून झालेले प्रयत्नही काही मंडळींच्या जहांगिऱ्या अबाधित राखण्याच्या नीतिमुळे वांझोटेच ठरत होते. राज्यात चंद्रपूरसह विविध दुर्गम भागात गव्हर्नर्मेंट मेडिकल कॉलेज दिले गेले. मात्र राजकीय इच्छाशक्तीच्या अभावी नाशिकच्या पदरी आजवर उपेक्षाच येत आली.

पंधरा दिवसांत होणार घोषणा!

नाशिकमधील सिव्हिल, सुपर स्पेशालिटी, महापालिकेची हॉस्पिटल्स आणि इएसआयसी हॉस्पिटल्स, नर्सिंग कॉलेजेस, विविध फार्मसी कॉलेजेस या संस्थांची युनिट अन् त्यांचे इन्फ्रास्ट्रक्चर जमेस धरल्यास नाशिकमध्ये सरकारी मेडिकल कॉलेज उभारणे अशक्य नाही, अशी भूमिका ‘मटा’ ने मांडली होती. यावर पालकमंत्र्यांच्या सूतोवाचामुळे आता नाशिकच्या शिरपेचात उशिराने का होईना पण आणखी एक मानाचा तुरा खोवला जाणार आहे. पंधरा दिवसांत करण्यात येईल, याबाबत घोषण्यात करण्यात येईल, असे पालकमंत्र्यांनी सांगितले.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *