facebook
Tuesday , May 30 2017
Breaking News
Home / जळगाव / जळगाव मनपासाठी २५ कोटींची तरतूद

जळगाव मनपासाठी २५ कोटींची तरतूद

जळगाव शहराच्या रखडलेल्या विकासासाठी आमदार सुरेश भोळे यांच्यासह महापालिकेचे पदाधिकारी यांनी शासनाकडे २५ कोटींचा निधी देण्याची विनंती केली होती. त्याचा पाठपुरावा आ. भोळे यांनी केला होता. त्यानुसार वित्तमंत्री सुधीर मनगुट्टीवार यांनी २५ कोटींच्या निधीची तरतूद केली असल्याची माहिती आमदार भोळे यांच्या कार्यालयातून देण्यात आली.

जळगाव महापालिकेवर ६०० कोटी रुपयांपेक्षा जास्त कर्ज आहे. या कर्जामुळे गेल्या अनेक वर्षांपासून शहराचा विकास खुंटला आहे. शहरातील मुलभूत सोयीसुविधांसाठी राज्य शासनाने अतिरिक्त २५ कोटींचा निधी द्यावा अशी मागणी महापालिकेचे पदाधिकारी यांनी केली होती. मुख्यमंत्री देवेंद्र फडणवीस जळगावात आले असता, त्यांना भेटून निधीसाठी साकडे घालण्यात आले होते. त्यांनी महापालिकेला २५ कोटी रुपये देण्याची घोषणा केली होती. या निधीसाठी आ. भोळे यांनी मंत्रालय स्तरावर पाठपुरावा केल्यामुळे वित्तमंत्री सुधीर मनगुट्टीवार यांनी शहरातील मुलभूत सोयीसुविधांसाठी सन २०१६-२०१७ च्या पुरवणी मागण्यांद्वारे २५ कोटींच्या निधीची तरतूद केली आहे. तसे पत्र त्यांनी आमदार सुरेश भोळे यांना पाठविले आहे.

Check Also

एकच पर्व, बहुजन सर्व!

‘एकच पर्व बहुजन सर्व’ चा नारा देत बहुजन समाजाच्या विविध मागण्यांसाठी हजारोंच्या संख्येने बहुजन बांधवांनी …

Leave a Reply

Your email address will not be published. Required fields are marked *