facebook
Tuesday , January 24 2017
Breaking News
Home / नागपूर / सेवानिवृत्त पोल‌िसाच्या कारमधून ३४ लाख जप्त

सेवानिवृत्त पोल‌िसाच्या कारमधून ३४ लाख जप्त

नवीन दोन हजाराच्या नोटा घेऊन जाणाऱ्या एका इसमाकडून बुधवारी दुपारच्या सुमारास ३४ लाख ४३ हजाराची रक्कम नेताना पकडले. नोटा बंदीनंतरची गेल्या दोन दिवसांतील ही दुसरी कारवाई आहे. हिंगणघाट पोलिसांनी या कारवाईत कारही ताब्यात घेतली आहे. ही कार वर्धा येथे राहत असलेले सेवानिवृत्त पोल‌िस कर्मचारी चंद्रकांत धनुले यांच्या मालकीची असल्याची माहिती पोलिस सूत्रांनी दिली.

दोन हजार रुपयांच्या नवीन नोटा लाल रंगाच्या एका वाहनातून नेण्यात येत असल्याची माहिती पोलिसांना मिळाली. त्याआधारे पोलिसांनी लाल रंगाच्या गाडीवर पाळत ठेऊन हिंगणघाटच्या शहराच्या प्रवेशद्वारावर गाठत ताब्यात घेतली. पोलिसांनी कारची तपासणी केली असता कारमधील बॅग मध्ये दोन हजाराच्या ३३ लाख ९२ हजार रुपयांच्या तर एक हजार रुपयांच्या जुन्या ५० नोटा व शंभर रुपयांच्या जुन्या दहा नोटा, असा एकूण ३४ लाख ४३ हजारांच्या नोटा जप्त करण्यात आल्या आहेत. या नोटा आयकर विभागाकडे जमा करण्यात येणार आहेत. वर्धा येथे राहणाऱ्या सेवानिवृत्त पोल‌िस कर्मचारी चंद्रकांत धनुले यांच्या मालकीच्या गाडीत ह्या नोटा सापडल्या आहेत.

Check Also

अबब! कोल्ड्रींकवर ६६ टक्के अधिक शुल्क

रेफ्रीजरेटरमध्ये ठेवण्यात येणाऱ्या बहुतांश डबाबंद पदार्थांवर अतिरिक्त शुल्क घेण्याचा अनधिकृत पायंडा अनेकांनी घातला आहे. पण, …

Leave a Reply

Your email address will not be published. Required fields are marked *