facebook
Sunday , February 26 2017
Breaking News
Home / नाशिक / ज्युनिअर इंजिनीअरला लाच घेताना पकडले

ज्युनिअर इंजिनीअरला लाच घेताना पकडले

कालव्यातून घेतल्या जाणाऱ्या पाण्याबाबत पोलिस केस न करण्यासाठी ९ हजार रुपयांची लाच मागून पैसे स्वीकारणाऱ्या पालखेड पाटबंधारे उपविभागातील ज्युनिअर इंजिनीअर राजू पुना रामोळे याला अँटिकरप्शन ब्यूरोने पकडले.

एसीबीकडे तक्रार करणाऱ्या तक्रारदाराची लोणवाडी शिवारात वडिलोपार्जित शेती असून, शेतीजवळून पालखेड डावा कालवा गेलेला आहे. इतर शेतकऱ्यांप्रमाणे तक्रारदाराने पाइप टाकून कालव्यातील पाणी वापरले. १४ डिसेंबर रोजी राजू रामोळे यांनी या ठिकाणी येऊन तक्रारदारास बोलावून घेतले. अनधिकृतपणे कालव्यातून पाणी घेतल्यामुळे तुमच्यावर पोलिस केस करावी लागेल, असे रामोळेने सांगितले. केस करायची नसल्यास नऊ हजार रुपये देण्याची मागणी केली. तडजोडीअंती रामोळेने पाच हजार रुपये घेण्यास तयारी दर्शवली. त्यानुसार तक्रारदाराने दोन हजार रुपये दिले. मात्र, यानंतर रामोळे सातत्याने फोन करून उर्वरित पैशांची मागणी करू लागला. त्यामुळे तक्रारदाराने एसीबीशी संपर्क साधला. एसीबीने गुरुवारी दावचवाडी येथे सापळा रचला. लाच स्वीकारताना एसीबीने रामोळेला जेरबंद केले.

Check Also

मार्केट फुलले; चेहरे उतरले

रविवारच्या साप्ताहिक सुटीनंतर सोमवारी येवला कृषी उत्पन्न बाजार समितीचे येवला मुख्य बाजार आवार लाल कांदा …

Leave a Reply

Your email address will not be published. Required fields are marked *