facebook
Thursday , May 25 2017
Breaking News
Home / Featured / दुबईच्या प्रवाशाकडे २८ लाखांच्या नव्या नोटा

दुबईच्या प्रवाशाकडे २८ लाखांच्या नव्या नोटा

दोन हजार रुपयांच्या नव्याकोऱ्या नोटांची घबाडे मिळण्याचे प्रकार अजूनही सुरूच असून, गुरुवारी मुंबई विमानतळावर दुबईला जाणाऱ्या एका प्रवाशाकडेच दोन हजार रुपयांच्या नव्या नोटांचा तब्बल २८ लाख रुपयांचा साठा सापडला. या प्रवाशाला कस्टम्सने अटक केली असून, त्याची चौकशी सुरू आहे.

अश्रफ उनीचिराम वितील असे या प्रवाशाचे नाव आहे. तो जेट एअरवेजच्या विमानाने दुबईला जाणार होता. त्याने जीन पॅन्टच्या आतमध्ये ही रक्कम गुंडाळून चेक-इन बॅगेजमध्ये दडविली होती. जीनपॅन्टच्या वर त्याने भाताचा कूकर, प्लॅस्टिकची खेळणी तसेच टिश्यू पेपर यांच्या आवरणात झाकून हे घबाड बेमालूमपणे दडविण्याचाही प्रयत्न केला होता. विमानतळ कस्मटम्सच्या हवाई गुप्तवार्ता कक्षाच्या अधिकाऱ्यांनी कस्टम्स कायदा १९६२ व फेमा कायदा २००० मधील कलमांचा भंग केल्यावरून त्याला अटक केली. त्याची चौकशी केली असता, त्याने प्रमाणाबाहेर व योग्य स्पष्टीकरणाशिवाय २८ लाखांचे चलन बाळगल्याचे स्पष्ट झाले. शिवाय आपण शिद्दीकी यांच्यासाठी २० हजार रुपये व विमानाचे तिकीट याच्या बदल्यात ही जोखीम घेतली होती, अशी महत्त्वपूर्ण कबुलीही त्याने दिल्याचे कस्टम्स अधिकाऱ्यांनी सांगितले.

जुन्या नोटा हवाईमार्गे

एकीकडे नव्याकोऱ्या नोटांची तस्करी होत असतानाच, जुन्या नोटांची हवाईमार्गे होणारी आवकही मोठ्या प्रमाणात सुरू आहे, असे कस्टम्स अधिकारी सांगतात. कस्टम्सच्या तरतुदींनुसार २५ हजारांपर्यंतचे भारतीय चलन बाळगण्याची परवानगी अनिवासी प्रवाशांना आहे. मात्र, काही वेळा प्रवाशांकडे २५ हजारांपेक्षा कित्येक पटींनी अधिक प्रमाणात ही रक्कम असते.

पालिकेतही चौकशी

पालिकेच्या मुलुंड येथील टी विभागातील नागरी सुविधा केंद्रात नागरिकांकडून भरणा करण्यात आलेल्या दोन हजारांच्या नव्या नोटा गायब झाल्याच्या प्रकाराची चौकशी करण्याचा निर्णय प्रशासनाने घेतला आहे. या विभागातील नागरी सुविधा केंद्रात १६ नोव्हेंबरला दोन हजारांच्या सात नोटांचा कररूपाने भरणा झाला होता.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *