facebook
Sunday , January 22 2017
Breaking News
Home / नाशिक / फाळकेंचा ऐतिहासिक ठेवा जपा

फाळकेंचा ऐतिहासिक ठेवा जपा

भारतीय चित्रपटसृष्टीचे जनक दादासाहेब फाळके हे नाशिकला लाभलेले वरदान असून, त्यांच्यामुळेच नाशिकचे नाव संपूर्ण चित्रपटसृष्टीत अभिमानाने घेतले जात आहे. त्यांचा जीवनप्रवास हा अभ्यासण्यासारखा अाहे. त्यांच्यातील चित्रपट निर्मितीची ओढ वाखाणण्यासारखी आहे. दुर्दैवाने फाळकेंच्या वस्तूंची जपणूक केली जात नाही ही खंत आहे. हा ऐतिहासिक ठेवा आपण जपायला हवा, असे मत प्रसिद्ध दिग्दर्शक,चित्रपट निर्माते आणि राष्ट्रीय पुरस्कार तसेच फिल्मफेअर पुरस्कार विजेते कमल स्वरूप यांनी व्यक्त केले. ते अंकुर फिल्म फेस्टिव्हलच्या उद्घाटनप्रसंगी बोलत होते.

अभिव्यक्ती मीड‌िया फॉर डेव्हलपमेंट आणि मराठा विद्या प्रसारक समाज, नाशिक यांच्या संयुक्त विद्यमाने पाचव्या ‘अंकुर फिल्म फेस्टिव्हल’चे आयोजन करण्यात आले आहे. रावसाहेब थोरात सभागृहात कमल स्वरूप यांच्या हस्ते फिल्म फेस्टिवलचे उद्घाटन झाले. अगदी जुन्या काळातील चलचित्रफीत फिल्म बॉक्स अर्थात फिल्म बायोस्कोप उघडून फिल्म फेस्ट‌िव्हलचे उद्धाटन करण्यात आले. यातून ‘देखो, सोचो और बनाओ’ असा संदेश देण्यात आला. यावेळी अभिव्यक्तीचे बोर्ड मेंबर अनुराग केंगे आणि भिला ठाकरे व्यासपीठावर उपस्थित होते.

एफटीआय येथे शिक्षण घेत असताना संशोधन विषयाअंतर्गत चित्रपट सृष्टीचे जनक दादासाहेब फाळके यांच्या जीवनावर कमल स्वरूप यांनी चित्रपट बनविण्याचे ठरविले होते. याची सुरुवात अर्थात नाशिक येथून झाली. मात्र ज्या मातीत फाळके जन्मले तेथे त्यांच्याविषयी फार तोकडी माहिती मिळाली. रे. टिळक यांचे नातू देवदत्त टिळक यांनी त्यांची खूप माहिती दिली. फाळके यांचा वाडा आता राहिला नसल्याची खंत कमल स्वरूप यांनी यावेळी व्यक्त केली. कमल स्वरूप यांनी ‘फाळके फॅक्टरी’ वेब साइटची निर्मिती आणि दादासाहेब फाळके यांच्या जीवनकार्यावर तयार केलेल्या ‘ट्रेसिंग फाळके’ या डॉक्युमेंटरीविषयी महिती दिली. ‘ट्रेसिंग फाळके’ हा फाळके आणि आपल्या भारतीय चित्रपट सृष्टीचा इतिहास सांगणार लघुपट आहे. हा संशोधन म्हणून तयार केला. मात्र, हे काम पाहून फिल्म डिव्हिजनने हा इतिहास जपून ठेवण्याचे ठरव‌िले आणि याचा एक शोधपर लघुपट तयार करायला सांगितला. तो आम्ही तयार केला, असे ते म्हणाले.

Check Also

मार्केट फुलले; चेहरे उतरले

रविवारच्या साप्ताहिक सुटीनंतर सोमवारी येवला कृषी उत्पन्न बाजार समितीचे येवला मुख्य बाजार आवार लाल कांदा …

Leave a Reply

Your email address will not be published. Required fields are marked *