facebook
Tuesday , January 24 2017
Breaking News
Home / पुणे / भाजप नेत्याच्या हट्टामुळे मेट्रो अडीच वर्षे लांबली

भाजप नेत्याच्या हट्टामुळे मेट्रो अडीच वर्षे लांबली

शहरातील मेट्रो भाजपमुळेच लांबल्याची टीका माजी उपमुख्यमंत्री अजित पवार यांनी गुरुवारी केली. शहरातील भाजपच्या एका नेत्याच्या हट्टामुळेच पुणे मेट्रो अडीच वर्षे लांबली, यामुळे प्रकल्पाचा खर्च अडीच हजार कोटींनी वाढल्याचा आरोप पवार यांनी केला.
कर्वेनगर येथील प्रभाग क्रमांक ३१ मध्ये उभारण्यात आलेल्या इंटरनॅशनल सिंथेटिक टेनिस कोर्टचे उद्घाटन पवार यांच्या हस्ते झाले. त्या वेळी ते बोलत होते. महापौर प्रशांत जगताप, उपमहापौर मुकारी अलगुडे, स्थायी समितीचे अध्यक्ष बाळासाहेब बोडके, सभागृह नेते शंकर केमसे, नगरसेविका लक्ष्मी दुधाणे, बाबा धुमाळ यांच्यासह अन्य पदाधिकारी उपस्थित होते.

‘शहरातील वाहतुकीची गंभीर परिस्थिती लक्षात घेता काही वर्षांपूर्वीच राज्य आणि केंद्र सरकारने मेट्रो प्रकल्पाला मंजुरी द्यायला पाहिजे होती. शहरातील भाजपच्या एका नेत्याने धरलेल्या हट्टामुळे मेट्रोला मंजुरी मिळण्यास अडीच वर्षांचा विलंब झाला’, अशी टीका पवार यांनी शहराचे खासदार अनिल शिरोळे यांचे नाव न घेता केली. संबंधित नेत्याच्या हट्टामुळे प्रकल्पाचा खर्च अडीच हजार कोटींनी वाढला असल्याचेही त्यांनी सांगितले. निगडी ते कात्रज या मार्गावर मेट्रो करण्यासाठी माजी केंद्रीय मंत्री शरद पवार, खासदार सुप्रिया सुळे पाठपुरावा करणार असल्याचे पवार यांनी स्पष्ट केले. राष्ट्रवादीने नेहमी विकासाला साथ दिली असल्याचेही त्यांनी सांगितले.

चहा विकला असता तर…
‘चूक झाली आणि राजकारणात आलो, चहा विकला असता तर बरे झाले असते’… पंतप्रधान नरेंद्र मोदी यांनी घेतलेल्या नोटाबंदीच्या निर्णयानंतर गुजरात तेथील एका चहा विक्रेत्याकडे कोट्यवधी रुपयांची मालमत्ता सापडली होती. या पार्श्वभूमीवर अजित पवार यांनी हे वक्तव्य करताच एकच हास्यकल्लोळ झाला. कोणत्याही नागरिकाला २०१७ मध्ये पैशासाठी रांगेत उभे राहायला लागू नये, अशी अपेक्षाही त्यांनी व्यक्त केली.

Check Also

विकास कामे झाली, पण ठराविक लॉबीचीच झाली – यशवंत भोसले

Click on Below Video Related

Leave a Reply

Your email address will not be published. Required fields are marked *