facebook
Wednesday , May 24 2017
Breaking News
Home / Featured / नऊ शाळांचे पगार रोखले

नऊ शाळांचे पगार रोखले

आवाज न्यूज नेटवर्क –

औरंगाबाद – जिल्हा परिषदेच्या शिक्षण विभागाने सुचविलेल्या अतिरिक्त शिक्षकांना समायोजित करून न घेतल्याने शिक्षण विभागाने नऊ शाळांना दणका देत येथील शिक्षक, कर्मचाऱ्यांचे पगार दोन महिन्यांपासून थांबविले आहेत.
राज्य सरकारच्या धोरणानुसार अतिरिक्त शिक्षकांना समायोजित करणे बंधनकारक आहे. जिल्ह्यामध्ये ९८ शिक्षक अतिरिक्त ठरलेले आहेत. या शिक्षकांना जिल्हा परिषदेकडून घरबसल्या वेतन द्यावे लागत असल्याने या सर्व शिक्षकांचे इतर खासगी शाळांमध्ये समायोजन करण्याचा शिक्षण विभागाने निर्णय घेतला. यानुसार, काही दिवसांपूर्वी यातील २१ शिक्षकांच्या समायोजनाचे आदेश काढण्यात आले. मात्र, यातील फक्त ९ शिक्षकांनाच पदस्थापना मिळाली. अन्य शाळांनी शिक्षण विभागाने सूचविलेल्या शिक्षकांचे समायोजन करण्यास नकार दिला. शिक्षण विभागाने पाठपुरावा करत या शाळांना अनेक वेळा नोटीस बजावली. त्यात शिक्षकांचे समायोजन करून घ्यावे असे आदेशित केले होते. मात्र, या आदेशाला या शाळांनी जुमानले नाही. काही ठिकाणी कोर्टाची कारणे सांगितली गेल्याचे झेडपीच्या शिक्षण विभागातूल सूत्रांनी सांगितले.

संबंधित शाळांनी समायोजन करणे आवश्यक आहे. या कारवाईनंतरही जर अंमलबजावणी झाली नाही, तर या शाळांमधील रिक्त पदे कायमची रद्द केली जातील. – आर. एस. मोगल, शिक्षणाधिकारी.

या आहेत शाळा
– सरस्वती भुवन प्राथमिक शाळा, औरंगपुरा
– शारदा मंदिर प्राथमिक शाळा, औरंगपुरा
– संस्कार प्रबोधिनी शाळा, औरंगाबाद
– शिवाजी प्राथमिक शाळा, खोकडपुरा
– ज्ञानकिरण प्राथमिक शाळा, मुकुंदवाडी
– त्रिमूर्ती प्राथमिक शाळा, वाळूज
– एकनाथ विद्यामंदिर, हर्सूल
– भीमाशंकर प्राथमिक शाळा, वाहेगाव (ता.पैठण)
– श्रीनाथ प्राथमिक शाळा, पैठण

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *