facebook
Thursday , May 25 2017
Breaking News
Home / Featured / स्मार्ट सिटीसाठी पंधरवड्यात १९४ कोटी

स्मार्ट सिटीसाठी पंधरवड्यात १९४ कोटी

आवाज न्यूज नेटवर्क –

नागपूर – स्मार्ट सिटीच्या कामांना वेग आला असून पुढील पंधरवड्यात केंद्र सरकारकडून एसपीव्ही कंपनीच्या खात्यात १९४ कोटी रुपये जमा होणार असल्याचे आयुक्त श्रावण हर्डीकर यांनी शुक्रवारी पत्रपरिषदेत सांगितले. त्याचबरोबर पॅनसिटी प्रकल्पाअंतर्गत वायफाय, स्मार्ट स्ट्रिप सहा महिन्यांत पूर्ण होईल, असा दावाही त्यांनी केला.

स्मार्ट सिटी प्रकल्प राबविताना तंत्रज्ञान व अत्याधुनिक पायाभूत सुविधांवर वेगाने कामे सुरू असल्याने ‘बिजनेस वर्ल्ड’तर्फे दिल्लीत आयोजित एका सोहळ्यात नागपूरला ‘बेस्ट स्मार्ट सिटी’ पुरस्कार देण्यात आला. स्मार्ट सिटी एसपीव्हीचे मुख्य कार्यकारी अधिकारी व अतिरिक्त आयुक्त डॉ. रामनाथ सोनवणे यांनी हा पुरस्कार स्वीकारला. हा पुरस्कार डॉ. रामनाथ सोनवणे यांनी महापौर प्रवीण दटके व आयुक्त श्रावण हर्डीकर यांच्या सुपूर्द केला. त्यानंतर पत्रकारपरिषदेत आयुक्त बोलत होते. स्मार्ट सिटी एरिया बेस्ड डेव्हलपमेंटअंतर्गत कामांसाठी एसपीव्हीने दोन निविदा काढल्या असून २८ डिसेंबरला त्या उघडण्यात येतील. एरिया बेस्ड डेव्हलपमेंट अंतर्गत टाऊन प्लानिंगनुसार सर्वेक्षण करण्यात येणार आहे. याशिवाय एरिया बेस्ड डेव्हलपमेंट अंतर्गत पारडी, पूनापूर व भरतवाड्याच्या विकासाचा विस्तृत आराखडा तयार करण्यात येईल. या भागात सद्यस्थितीत जलवाहिनीचे जाळे पसरविणे, नवीन मिटर बसविण्याची कामे सुरू आहे. टाऊन प्लानिंगनुसार योजना तयार करण्यासाठी नऊ महिने तर विस्तृत आराखडा तयार करण्यासाठी सहा महिन्यांचा कालावधी लागेल, असे त्यांनी सांगितले. स्मार्ट सिटीसाठी सिडकोकडून ५० कोटी रुपये मिळाले असून नासुप्रकडून पन्नास कोटी मिळणार असल्याचे डॉ. सोनवणे यांनी सांगितले.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *