facebook
Wednesday , May 24 2017
Breaking News
Home / औरंगाबाद / कर्मचारी गणवेशासाठी ७० लाखांची तरतूद

कर्मचारी गणवेशासाठी ७० लाखांची तरतूद

महापालिकेतील चतर्थश्रेणी कर्मचाऱ्यांना गणवेश देण्यासाठीचा प्रस्ताव बुधवारी होणाऱ्या स्थायी समितीच्या बैठकीत ठेवण्यात आला आहे. गणवेश खरेदीसाठी सत्तर लाखांची तरतूद करण्यात आली आहे. याशिवाय रस्त्यांच्या काँक्रिटीकरणाचे सुमारे तीन कोटी ४५ लाख रुपये किंमतीचे प्रस्ताव देखील स्थायी समितीच्या बैठकीत मंजुरीसाठी ठेवण्यात आले आहेत.
महापालिकेत सफाई कर्मचारी व चतुर्थश्रेणी कर्मचारी म्हणून सुमारे २८०० कर्मचारी काम करतात. त्यांच्यासाठी गणवेश खरेदीचा प्रस्ताव स्थायी समितीच्या बैठकीत ठेवण्यात आला आहे. पुरुष कर्मचाऱ्यांसाठी गणवेशासाठी कपडा घेण्यासाठी ३७ लाख ३० हजार रुपयांचा खर्च येणार आहे, तर महिला कर्मचाऱ्यांसाठी २३ लाख २४ हजार रुपये खर्च येणार आहे. सफाई कर्मचारी व चतुर्थश्रेणी कर्मचारी यांना वेगवेगळ्या रंगचा गणवेश सूचविण्यात आला आहे. दरवर्षी १४ जानेवारी रोजी या कर्मचाऱ्यांना गणवेशाचे वाटप करण्यात येते. यंदा स्थायी समितीमध्ये हा प्रस्ताव उशिरा आल्यामुळे १४ जानेवारीला गणवेशांचे वाटप होईल की नाही या बद्दल शंका व्यक्त केली जात आहे.

काँक्रिटचे रस्ते; वैद्यकीय खर्च
विविध वॉर्डांमध्ये काँक्रिटच्या रस्त्यांच्या कामासाठी आर्थिक तरतुदीला मान्यता देण्याचे सुमारे ३ कोटी ४५ लाख ८७ हजार ५०४ रुपयांचे प्रस्ताव देखील स्थायी समितीच्या बैठकीत आहेत. कर्मचाऱ्यांच्या वैद्यकीय खर्चाच्या परिपूर्तीचे दोन प्रस्ताव पालिका प्रशासनाने स्थायी समितीच्या समोर मंजुरीसाठी ठेवले आहेत.

Check Also

गोवंश हत्याबंदीला सुप्रीम कोर्टात आव्हान

गोवंश हत्याबंदी दुरुस्ती कायदा रद्द करण्याबाबतची जनहित याचिका मुंबई हायकोर्टाच्या औरंगाबाद खंडपीठाने फेटाळली होती. या …

Leave a Reply

Your email address will not be published. Required fields are marked *