facebook
Sunday , March 26 2017
Breaking News
Home / Featured / व्हॉट्सअॅपचा फंडा, १७ लाखांना गंडा

व्हॉट्सअॅपचा फंडा, १७ लाखांना गंडा

सोशल मीडियाचा वापर आता फसवणुकीसाठी होत असल्याचे पुढे येत आहे. व्हॉट्सअॅपच्या माध्यमातून मैत्री करून गंडा घालण्याची प्रकरणे एकामागून एक नागपुरात उघडकीस येत आहेत. ‘गिफ्ट पाठवितो, मी अडकलो आहे’, असे सांगून अनेकांनी लाखो रुपयांचा गंडा घातला आहे. मोठी भेटवस्तू पाठविण्याच्या बहाण्याने युकेच्या ब्रिक्स अॅडिसन याने मानकापूर भागात राहणाऱ्या सोनिया अलेक्झांडर सल्डाना (४८) यांना तब्बल १७ लाख ४० हजार रुपयांनी गंडा घातला. त्यांच्या तक्रारीवरून पोलिसांनी ब्रिक्स व दिल्लीच्या जान्हवी नावाच्या तरुणीविरुद्ध फसवणुकीचा गुन्हा दाखल केला आहे.

पोलिसांनी दिलेल्या माहितीनुसार, सोनिया यांच्या पतीचे सदर भागात इलेक्ट्रॉनिक्स उत्पादनांचे शोरूम आहे. सप्टेंबर महिन्यात ब्रिक्स याने सोनिया यांच्याशी व्हॉट्सअॅपद्वारे मैत्री केली. मला जर्मनीमध्ये बेस्ट वर्करचा पुरस्कार मिळाल्याचे त्याने सोनिया यांना सांगितले. त्यामुळे मी तुम्हाला महागडी भेटवस्तू पाठवित असल्याचेही त्याने सोनिया यांना सांगितले. काही दिवसांपूर्वी दिल्लीवरून जान्हवी नावाच्या तरुणीचा सोनिया यांना फोन आला. तुमच्या नावाची भेटवस्तू ‌ब्रिक्स यांनी पाठविली आहे. ती महागडी असल्याने तुम्हाला दंड भरावा लागेल, असे तिने सोनिया यांना सांगितले. सोनिया यांनी जान्हवीने दिलेल्या बँक खात्यात तब्बल १७ लाख ४० हजार रुपये जमा केले. एवढी रक्कम जमा केल्यानंतरही भेटवस्तू न मिळाल्याने फसवणूक झाल्याचे सोनिया यांना लक्षात आले. त्यांनी मानकापूर पोलिसांत तक्रार दिली. पोलिस उपनिरीक्षक डी. एम. चौधरी यांनी फसवणुकीचा गुन्हा दाखल केला. तपासासाठी पोलिस लवकरच दिल्लीला जाणार असल्याची माहिती आहे.

भावाकडून घेतले पैसे उधार

‘मला पैशांची गरज आहे, तू पैसे पाठव’, असे सांगून सोनिया यांनी मंगलोर येथील भावाकडून लाखो रुपये उधार घेतले. त्यांच्या भावाने एवढी रक्कम कशासाठी हवी, याबाबत विचारणा केली असता सोनिया यांनी भावाला भेटवस्तूबाबत सांगितले.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *