facebook
Sunday , March 26 2017
Breaking News
Home / मुंबई / अतिक्रमणांतून मोकळा श्वास कधी?

अतिक्रमणांतून मोकळा श्वास कधी?

वांद्रे येथील पाली हिल, वांद्रे रिक्लेमेशन या श्रीमंतांच्या वस्तीसोबत खारदांडा, खिरानगर, येथील सामान्य वर्गांच्या चाळी आणि इमारतींनी एच-पश्चिम वॉर्ड ओळखला जातो. मुंबईतील इतर वॉर्डांच्या तुलनेत हा वॉर्ड विकासित वॉर्डांपैकी एक मानला जातो. मात्र त्यानंतरही येथील नागरी समस्या कायम असून प्रामुख्याने अतिक्रमणे आणि अनेक ठिकाणी पावसाचे पाणी साचल्याच्या घटना समोर येत आहेत. त्यामुळे या नागरी समस्यांतून हा वॉर्ड मोकळा श्वास कधी घेणार, असा प्रश्न स्थानिकांकडून करण्यात येत आहे.

अतिक्रमणाचा प्रश्न गंभीर

आज एकीकडे वांद्रे पाली हिलसारखा विकासित वॉर्ड असला, तरी या विभागात वाढते अतिक्रमण ही समस्या दिवसागणित गंभीर बनत चालली आहे. त्यामुळे वॉर्डाची अवस्था वाईट होत चालली आहे. गेल्या अनेक वर्षांपासून आम्ही पालिका प्रशासनाकडे याबद्दल तक्रार करीत आहोत. मात्र कोणाचेही लक्ष नाही. त्याबरोबरच या वॉर्डात सध्याच्या घडीला अनधिकृत पार्किंगची समस्याही वाढत चालली आहे. विभागात सध्या अनेक नवे मॉल्स दाखल झाले आहेत. परिणामी अनधिकृत पार्किंगची संख्या वाढत आहे. ती वाहतूक कोंडीला कारण ठरत आहे. येथील प्रमुख्य समस्यांपैकी एक म्हणजे वांद्रे तलावाजवळच्या पालिका शाळेची दुरवस्था. त्याचा फटका विद्यार्थ्यांना बसत आहे. प्रशासनाने त्याची दखल घेणे गरजेचे आहे. पण पालिका या प्रश्नाकडे लक्ष देताना दिसत नाही.

अफताब सिद्दकी, एएलएम (फोटो आहे)

पार्किंगचा विळखा

आज या वॉर्डात वाहनांच्या संख्येबरोबरच अनधिकृत पार्किंग करणाऱ्यांची संख्या वाढली आहे. या वॉर्डात मोठ्या प्रमाणात पुनर्विकासाचे काम झाल्याने इमारतीही वाढल्या आहेत. मात्र ओसीअभावी या इमारती पडून असल्याने स्थानिकांना त्याचा फटका बसतो. विलेपार्ले परिसरातील एक नामांकित शाळा या वॉर्डात आहे. यात पवईपासून ते दक्षिण मुंबईपर्यंतचे सर्व विद्यार्थी येतात. त्यामुळे सकाळपासून या ठिकाणी बस पार्किंग करून ठेवल्या असतात. त्याचा फटका वाहतूक व्यवस्थेला बसतो. या वॉर्डात सध्या अतिक्रमणाची संख्याही वाढली आहे, त्याकडे प्रशासनाचे दुर्लक्ष सुरू आहे.

– निरजंन अडवाणी, सामाजिक कार्यकर्ता (फोटो आहे)

रस्त्याचे रुंदीकरण महत्त्वाचे

आज या वॉर्डात वांद्रे सीलिंक असतानादेखील अरूंद रस्त्यामुळे वाहतुकीची समस्या निर्माण होते. सीलिंकवरून अवघ्या २० मिनिटांत आल्यानंतर लिलावती आणि आसपासच्या परिसरात अर्ध्या तासाहून अधिक वेळ लागतो. त्यामुळे येथे रस्त्यांचे रुंदीकरण आवश्यक आहे. सध्या येथे लोकांच्या सोयीसाठी स्कॉयवॉक बांधला आहे. मात्र स्कॉयवॉकपेक्षा याठिकाणी उड्डाणपुलाची गरज जास्त आहे. या स्कॉयवॉकचीही दुरवस्था झाली असून लाद्या तुटलेल्या आहेत. स्कॉयवॉकवर वीज नाही. याबरोबरच याठिकाणी असलेल्या क्लब आणि मॉल्समुळे पार्किंगमुळे वाहतूक कोंडी होत आहे. पालिका प्रशासन याकडे लक्ष देत नाही. लिलावती रुग्णालय आणि परिसरातील अरूंद रस्त्यामुळे पावसाळ्यात पाणी साचते. याकडे पालिकेने लक्ष द्यावे.

सुलेमान बिमानी, सिटीझन जस्टीस फोरम (फोटो आहे)

मिलन सबवेचा प्रश्न गंभीर

सांताक्रुझ आणि विलेपार्ले यांच्या सीमेवर असलेल्या मिलन सबवेत अनेक वर्षांपासून पावसाळ्यात पाणी तुंबते. पालिका व नागरिकांसाठी ही डोकेदुखी ठरली आहे. सबवेत तुंबणाऱ्या पाण्यामुळे पावसात वांद्रे, खार, सांताक्रुझ, जुहू भागातील वाहतूक जवळपास बंदच होत होती. अनेक वर्षांच्या मागणीनंतर एमएमआरडीएने सबवेवर उड्डाणपूल बांधला. त्यामुळे वाहनचालकांची सुटका होत असली, तरी नागरिकांचा त्रास कायम आहे. सबवेच्या दोन्ही बाजूने हजारो अश्वशक्तीचे पंप लावून पाणी उपसा करण्याचा प्रयत्न केला जातो. मात्र सातत्याने पाऊस पडत राहिल्यास सबवे आजही अनेक तास पाण्याखाली जातो, याकडे लक्ष द्यायाला हवे.

– रवींद्र काळे

फूटपाथ गायब

सध्या या वॉर्डात मोठ्या प्रमाणात नवीन इमारती आल्या आहेत. काहींचे पुनर्विकासदेखील झाले आहेत. पण त्याचा परिणाम म्हणून येथून फूटपाथ गायब झाले आहेत. त्याचा फटका स्थानिकांना, विशेषतः ज्येष्ठ नागरिकांना होत आहे. सध्या वांद्रे आणि लिकिंग रोडच्या लोकवस्तीतील जागा पब, बार आणि इतर व्यावसायिक कामांसाठी वापरल्या जातात. इमारतींच्या नियमांना डावलले जात असून याकडे पालिका अधिकारी कानाडोळा करताना दिसतात. आज याठिकाणी पार्किंगमुळे मोठ्या प्रमाणात वाहतूक कोंडी होते. त्याचा फटका स्थानिकांनाबी बसतो. वॉर्डात प्रदूषणाचे प्रमाणही वाढले आहे. याबरोबर लिकिंग रोड आणि परिसरात गेल्या अनेक वर्षांपासून अनधिकृत फेरीवाल्यांची संख्यादेखील वाढली आहे.

सुनील वाघ, स्थानिक रहिवाशी

सीमारेषा

मुक्तानंद पार्क, एमएसईबी कॉलनी, खिरानगर, नवयुग कॉलनी, सांताक्रुझ बस डेपो, वेंलिंग्टन जिमखाना, डॉ. आंबेडकरनगर, खार जिमखाना, रोटरी पार्क, खारदांडा, दांडा गाव, गोविंदनगर, कोळीवाडा, पाली गाव, पटवर्धन पार्क, युनियन पार्क, पाली हिल, वांद्रे तलाव, नॅशनल लायब्ररी, चिंबई गाव, डॉ. भाभा रुग्णालय, संतोष नगर, वांद्रे रेक्लमेशन, वांद्रे बस डेपो, ओएनजीसी कॉलनी.

नगरसेवक

Check Also

१० कोटी मुलींचा विवाह १८ वर्षांआधीच

देशातील आरोग्याची स्थ‌तिी चिंताजनक असून, देशात दरवर्षी सुमारे १० कोटी ३० लाख मुलींचा विवाह त्यांच्या …

Leave a Reply

Your email address will not be published. Required fields are marked *