facebook
Tuesday , February 28 2017
Breaking News
Home / जळगाव / जगात प्रेम नांदण्यासाठी प्रार्थना

जगात प्रेम नांदण्यासाठी प्रार्थना

ख्रिसमसनिमित्त रविवारी शहरातील सर्व चर्चमध्ये जगात शांतता, प्रेम नांदावे याकरिता ख्रिस्ती बांधवांतर्फे प्रार्थना करण्यात आली. एकमेकांना शुभेच्छा देत प्रभू येशूचा जन्मोत्सव मोठ्या उत्साहात साजरा केला गेला. मेहरुण तलावाजवळील सेंट थॉमस चर्च, रामानंदनगर रस्त्यावरील सेंट फ्रान्सिस डी सेल्स चर्च आणि पांडे चौकातील अलायन्स चर्च येथे विविध कार्यक्रम पार पडले.

नाताळनिमित्त शनिवारी रात्री ११.४५ मिनिटांनी पूजा करण्यात आली. १२ वाजेनंतर येशूचा जन्मदिवस ख्रिस्ती बांधवांतर्फे साजरा करण्यात आला. सेंट थॉमस चर्चमध्ये फादर बिजू यांनी शांती आणि प्रेम भावना एकमेकांमध्ये नांदण्यासाठी प्रत्येकाने प्रयत्न करावा, असे सांगत शुभेच्छा संदेश दिला. अलायन्स चर्चमध्ये सकाळी फादर शशिकांत वळवी यांच्या उपस्थितीत प्रार्थना व उपासना झाली. ख्रिस्ती बांधवांतर्फे नाताळचे गीत गाण्यात आले. त्यात युवक संघ व लहान मुलांनी सहभाग नोंदविला. नाताळनिमित्त बायबल वाचन व विश्वशांतीसाठी प्रार्थना करण्यात आली. या उत्सवासाठी चर्चची पंच कार्यकारिणी, अलायन्स चर्च महिला मंडळ, प्रकाश युवक संघ, संडे स्कूलची मुले यांचे सहकार्य मिळाले. सेंट फ्रान्सिस डी सेल्स चर्चमध्येही येशू जन्मोत्सव साजरा केला गेला. फादर अब्राहम यांनी उद््बोधन करीत संदेश दिला.

Check Also

एकच पर्व, बहुजन सर्व!

‘एकच पर्व बहुजन सर्व’ चा नारा देत बहुजन समाजाच्या विविध मागण्यांसाठी हजारोंच्या संख्येने बहुजन बांधवांनी …

Leave a Reply

Your email address will not be published. Required fields are marked *