facebook
Sunday , March 26 2017
Breaking News
Home / मुंबई / पालिका रुग्णालयांत हेल्थ कार्ड

पालिका रुग्णालयांत हेल्थ कार्ड

मुंबई महानगर पालिकेच्या रुग्णालयात उपचारांसाठी येणाऱ्या प्रत्येक रुग्णाला हेल्थ कार्ड देण्याची योजना आखण्यात आली आहे. या कार्डमध्ये रुग्णाच्या नावासह आजार, चाचण्यांचे अहवाल असा संपूर्ण तपशील नोंदवला जाईल. या कार्डचा नंबर रुग्णालयाच्या कम्प्युटरवर टाइप केल्यास प्रत्येक डॉक्टरला रुग्णाची संपूर्ण माहिती एका क्षणात स्क्रीनवर दिसेल. या कार्डमुळे पालिकेची रुग्णालये पेपरलेस होण्यास मदत होईल.

मुंबईतल्या अनेक खासगी रुग्णालयांत रुग्णांना अशी कार्ड दिली जातात. परळच्या टाटा रुग्णालयात प्रत्येक रुग्णाला असे कार्ड दिले जाते. या कार्डवर चाचण्यांचे शुल्कही भरता येते. या कार्डवरील रुग्णाचा क्रमांक रुग्णालयाच्या कम्प्युटरवर टाईप केल्यास रुग्णाचा संपूर्ण तपशील डॉक्टरना पाहाता येतो. साधारणपणे त्याच धर्तीवर पालिकेच्या सर्व रुग्णालयामध्ये प्रत्येक रुग्णाला हेल्थ रजिस्ट्रेशन कार्ड दिले जाईल. हे काम प्रचंड मोठे आहे. पालिकेच्या रुग्णालयात येणाऱ्या रुग्णांची संख्या प्रचंड मोठी आहे. केईएम रुग्णालयाच्या ओपीडीमध्ये दररोज सरासरी सात हजार रुग्ण तपासणीसाठी येतात. सायन रुग्णालयाच्या ओपीडीमध्ये सरासरी सहा हजार, तर नायर रुग्णालयाच्या ओपीडीमध्ये दररोज सुमारे तीन ते चार हजार रुग्ण येतात. या प्रत्येक रुग्णाला हे कार्ड दिले जाईल. पुढील वर्षाच्या मार्च एप्रिल महिन्यापासून प्रत्येक रुग्णाला कार्ड देण्याची योजना असल्याचे रुग्णालयाचे डीन डॉ. अविनाश सुपे म्हणाले.

असे असेल हेल्थ कार्ड

या कार्डवर प्रत्येक रुग्णाचे नाव, आजार असा संपूर्ण तपशील असेल. रुग्णालयात तपासणीसाठी आल्यावर रुग्णाला हे कार्ड दाखवावे लागले. रुग्णालयाच्या कम्प्युटरवर प्रत्येक रुग्णाचा तपशील व चाचण्यांचे अहवाल असतील. या कार्डवरील क्रमांकामुळे तपासणीसाठी आलेल्या प्रत्येक रुग्णाची माहिती डॉक्टरला बघता येईल. मुंबईतील पालिकेची प्रमुख रुग्णालये व उपनगरातील रुग्णालये कम्प्युटरने जोडल्यावर कोणत्याही रुग्णालयात रुग्ण तपासणीसाठी गेला तरी सर्व माहिती काही क्षणात डॉक्टरला कम्प्युटरच्या स्क्रीनवर दिसेल.

Check Also

१० कोटी मुलींचा विवाह १८ वर्षांआधीच

देशातील आरोग्याची स्थ‌तिी चिंताजनक असून, देशात दरवर्षी सुमारे १० कोटी ३० लाख मुलींचा विवाह त्यांच्या …

Leave a Reply

Your email address will not be published. Required fields are marked *