facebook
Thursday , May 25 2017
Breaking News
Home / पुणे / बोलण्याची संधी पवारांना नाकारली

बोलण्याची संधी पवारांना नाकारली

माजी केंद्रीय कृषिमंत्री शरद पवार यांना मेट्रो भूमिपूजनाच्या कार्यक्रमाला बोलावूनही भाषण करण्याची संधी नाकारणाऱ्या भारतीय जनता पक्षाविरोधात राष्ट्रवादी काँग्रेसमध्ये नाराजी पसरली आहे. काँग्रेसनेही भाजपच्या कार्यपद्धतीवर टीका करून पवारांना अपमानित केले जात असेल तर जनतेला दिलेली आश्वासने कशी पाळणार, असा प्रश्न उपस्थित केला आहे.

पंतप्रधान नरेंद्र मोदी यांच्या हस्ते पुणे मेट्रो प्रकल्पाचे भूमिपूजन शनिवारी झाले. या कार्यक्रमात राष्ट्रवादी काँग्रेसचे अध्यक्ष शरद पवार मुख्य व्यासपीठावर होते. पवार यांना भाषण करण्याची संधी दिली जाईल, असे सांगितले जात होते. परंतु, मोदी यांच्यासह केवळ मुख्यमंत्री देवेंद्र फडणवीस आणि केंद्रीय नगरविकासमंत्री वेंकय्या नायडू याच नेत्यांची भाषणे झाली. त्यामुळे, भाजपने पवारांना निमंत्रित करूनही त्यांचा अनादर केल्याची भावना राष्ट्रवादी काँग्रेसच्या पदाधिकारी आणि कार्यकर्त्यांमध्ये पसरली आहे. पवार यांचा रविवारी शहरात कार्यक्रम होता; पण यावेळी त्यांनी कोणतेही भाष्य करणे टाळले. तसेच, इतर नेत्यांनीही जाहीरपणे त्याबाबत मतप्रदर्शन केले नसले, तरी पवार यांचा मान भाजपने ठेवणे गरजेचे होते, अशी अपेक्षा व्यक्त केली जात आहे.

राष्ट्रवादी काँग्रेस संयमाची भूमिका घेतली असताना, काँग्रेसने मात्र पवार यांना भाजपने दिलेली वागणूक चीड आणणारी असून, जनता त्यांना मतपेटीतून उत्तर देईल अशी टीका करण्यात येत आहे. पवार यांना भाषणाची संधी देऊन ती नाकारणारा भाजपसारखा पक्ष जनतेला दिलेली आश्वासने कधी पूर्ण करणार, असा सवाल काँग्रेसचे शहराध्यक्ष रमेश बागवे यांनी उपस्थित केला आहे. तसेच, पुणे मेट्रोला दोन वर्षे उशीर का केला, याचे उत्तर मुख्यमंत्री देवेंद्र फडणवीस यांनी द्यावे, अशी मागणी त्यांनी केली.

पवार यांना भाषणाची संधी दिली जाईल, असे आश्वासन भाजपने कधीही दिले नव्हते; पण ते कार्यक्रमात व्यासपीठावर असतील, हे स्पष्ट केले होते. पंतप्रधानांच्या कार्यक्रमात किती भाषणे असावीत, याचे काही नियम असतात. त्यानुसार, पंतप्रधानांखेरीज केवळ दोन व्यक्तींना बोलता येणार होते.
गिरीश बापट, पालकमंत्री

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *