facebook
Tuesday , January 24 2017
Breaking News
Home / औरंगाबाद / ‘सामान्यांना मूलभूत हक्क देणार’

‘सामान्यांना मूलभूत हक्क देणार’

स्वातंत्र्यानंतर देशात दोन हजार पक्ष निर्माण झाले. मात्र, राजकीय व्यवस्थेत शेतकरी, श्रमकरी, कष्टकरी कोठेच नाही. सुशिक्षित समाज राजकारणापासून दूर गेला आहे. हे चित्र पुसूट टाकत, गावांतील सामान्य जनतेला संविधानातील मुलभूत हक्क व अधिकार देण्यासाठी संभाजी ब्रिगेड राजकीय लढाईत उतरली आहे, असे प्रतिपादन संभाजी ब्रिगेडचे प्रदेश प्रवक्ते प्रा. गंगाधर बनबरे यांनी केले.
संभाजी ब्रिगेड पक्षाची स्थापना झाल्यानंतर जालना शहरातील कृष्णराव फुलंब्रीकर नाट्यगृहात रविवारी रोजी पहिल्या जिल्हास्तरीय अधिवेशनात ते बोलत होते. या वेळी प्रदेशाध्यक्ष मनोज आखरे, महासचिव सौरभ खेडेकर, कोषाध्यक्ष संतोष गाजरे, छगन शेरे, डॉ. श्रीकांत देशमुख, साईनाथ पवार, जिल्हाध्यक्ष सतीष ढवळे, संदीपान जाधव, प्रा. सुदर्शन तारख यांची प्रमुख उपस्थिती होती. प्रा. बनबरे पुुढे म्हणाले, ‘पूर्वीची शंभर कामे चालू ठेऊन राजसत्ता ताब्यात घेण्यासाठी संंभाजी ब्रिगेड राजकीय पक्षात विलिन झाली आहे. राज्य व्यवस्था आणि सामाजिक परिवर्तनासाठी तलवारीच्या लढाया कालबाह्य झाल्या असून, ज्ञानाच्या लढाईत शत्रूची बलस्थाने शोधून वैचारिक व दिशादर्शक चळवळ राबविली जाणार आहे. विचारातून सत्ता ताब्यात घेऊन परिवर्तन व लोककल्याण साधने हेच आमचे उद्दीष्ट असून, मराठ्यांचा एकही पक्ष नाही. प्रस्थापित पक्षांचे ध्येय, धोरणे आणि उद्दीष्ट एकच असून, चेहरे वेगळे आहेत.’ मराठा नेत्यांवर टीका करताना प्रा. बनबरे म्हणाले, ‘रस्त्यावरची लढाई आम्ही लढू, पण आरक्षणासाठी आमचे लोकप्रतिनिधी संसदेत का लढत नाहीत? संभाजी ब्रिगेडमुळे कुुणाचे नुुकसान अथवा फायदा होणार नाही, तर ६७ वर्षानंतरही मुलभूत गरजा सामान्य माणसाला मिळू शकल्या नाहीत. ८० टक्के लोकप्रतिनिधींना संविधानही माहिती नाही.’
अध्यक्षीय समारोपात अॅड. मनोज आखारे म्हणाले, ‘व्यवस्था परिवर्तन हेच संभाजी ब्रिगेडचे उद्दीष्ट असून, गेली पंचवीस वर्षे शेतकरी, कष्टकरी, श्रमजीवी, विद्याथी आणि सर्वसामान्यांसाठी लढे दिल्यानंतर राजकीय पक्षात रुपांतर झाले. एल्गार मोर्चाची भिती घेतल्यानेच काल शिवस्मारकाचे भूमिपूजन करण्यात आले. आगामी काळात शंभर टक्के राजकारण आणि समाजकारण अशी भूमिका घेऊन दुुसऱ्याच्या ताटाखालचे मांजर न होता शैक्षणिक व आर्थिक दहशतवादाशी लढाई करणार आहोत.’
प्रास्ताविकात जिल्हाध्यक्ष सतीष ढवळे यांनी जि. प. पं. स. निवडणूका ताकदीने लढविणार असून तरुणांना रोजगार उपलब्ध होण्यासाठी मदत करणार असल्याचे ते म्हणाले.

Check Also

गोवंश हत्याबंदीला सुप्रीम कोर्टात आव्हान

गोवंश हत्याबंदी दुरुस्ती कायदा रद्द करण्याबाबतची जनहित याचिका मुंबई हायकोर्टाच्या औरंगाबाद खंडपीठाने फेटाळली होती. या …

Leave a Reply

Your email address will not be published. Required fields are marked *