facebook
Sunday , March 26 2017
Breaking News
Home / औरंगाबाद / रसिकांच्या गर्दीत मुशायरा रंगला

रसिकांच्या गर्दीत मुशायरा रंगला

प्रेम, एकात्मता, माणुसकी अशा चिरंतन भावनांना संवेदनशील शायरीतून मांडणारा मुशायरा रसिकांची भरभरून दाद घेत रंगला. ख्यातनाम शायर बशर नवाज यांच्या स्मृतिप्रित्यर्थ महानगरपालिकेने सोमवारी रात्री संत तुकाराम नाट्यगृहात ‘एक शाम बशर नवाज के नाम’ हा मुशायरा आयोजित केला. देशभरातील प्रसिद्ध शायर ऐकण्यासाठी जिंदादिल रसिकांची तुफान गर्दी झाली.
‘करोगे याद तो हर बात याद आयेगी, गुजरते वक्त की हर मौज ठहर जायेगी’ अशी शायरी करणारे बशर नवाज देशभरातील रसिकांचे आवडते शायर होते. बशरजींचे स्मरण करीत देशभरातील कवींनी आपली शायरी सादर करीत मुशायरा रंगवला. डॉ. राहत इंदौरी (इंदूर), मंजर भोपाली (भोपाळ), हामेद भुसावली (भुसावळ), नईम अख्तर खादमी (बऱ्हाणपूर), नदीम फर्रूख (मुरादाबाद), शम्स जालनवी (जालना), सुंदर मालेगावी (मालेगाव), युसूफ यलगार (मुंबई), काजी सुफयान (खंडवा), डॉ. सलीम मोहियोद्दीन (परभणी), मोनिका सिंग (पुणे), अता हैद्राबादी (हैदराबाद), खान शमीम (औरंगाबाद), महेशर आफ्रिदी (रूडकी), उम्मी अहमद (अहमदाबाद), खमर ऐजाज (औरंगाबाद), जावेद अमान (औरंगाबाद) आणि राही जलगावी (जळगाव) यांनी मुशायऱ्यात सहभाग घेतला. ‘आप आये तो जमाने के मुकद्दर जागे’ या रचनेतून शम्स जालनवी यांनी दाद मिळवली. तर शमीम खान यांनी बशर नवाज यांना आदरांजली वाहणारी ‘मै लिखूंगी तो क्या लिखू’ ही नज्म सादर केली. जावेद अमान यांची सद्यस्थितीवर भाष्य करणारी रचना विशेष होती. ‘तुम्हारी नोटबंदीसे हमारा कुछ नही होगा, और हमारी वोटबंदीसे तुम्हारा कुछ नही होगा, मगर ये याद रखो वक्त के शातीन अदाकारों, तुम्हारे दिन सहारा कुछ नही होगा’ या रचनेला प्रतिसाद मिळाला. सुंदर मालेगावी यांनी हास्यकविता सादर केल्या. ‘बुझी बुझी है तबियत मेरी, हरी कर दे, तु आजा पास मेरे और मुझे गुदगुदी कर दें’ या कवितेने रसिकांची करमणूक केली. रात्री उशिरापर्यंत मुशायरा रंगला.
दरम्यान, उदघाटन समारंभाला उपायुक्त अय्युब खान, महापौर भगवान घडमोडे, स्थायी समितीचे सभापती मोहन मेघावाले, विरोधी पक्ष नेते अय्युब जहागिरदार, नगरसेवक जमीर कादरी, शिवाजी दांडगे यांची उपस्थिती होती.

मनपाला शिव्या नको

‘महापालिका रस्ते, पाणी, वीज, ड्रेनेज यांचे काम करते. लोक आम्हाला नेहमीच शिव्या देत असतात. पण, आता मुशायरा घेऊन मनपाने सांस्कृतिक एकोपा साधला आहे. शहराच्या विकासासाठी एकोपा बळ देणारा ठरू दे’ असे प्रतिपादन महापौर भगवान घडमोडे यांनी केले.

Check Also

गोवंश हत्याबंदीला सुप्रीम कोर्टात आव्हान

गोवंश हत्याबंदी दुरुस्ती कायदा रद्द करण्याबाबतची जनहित याचिका मुंबई हायकोर्टाच्या औरंगाबाद खंडपीठाने फेटाळली होती. या …

Leave a Reply

Your email address will not be published. Required fields are marked *