facebook
Wednesday , March 29 2017
Breaking News
Home / औरंगाबाद / शेवतामध्ये डीजेबंदी; कमी खर्चात लग्न

शेवतामध्ये डीजेबंदी; कमी खर्चात लग्न

तालुक्यातील शेवता येथील ग्रामस्थांनी अवाजवी खर्च टाळण्याचा निर्णय नुकताच घेतला आहे. गावकऱ्यांनी लग्नात डीजेबंदी करून वारेमाप खर्च टाळण्याचा करण्याचा निर्णय घेतला आहे.
शेवता खुर्द व शेवता बुद्रुक ही दोन गावे गिरिजा नदीच्या काठावर वसलेली आहेत. या दोन्ही गावांची लोकसंख्या अंदाजे दोन हजार असून ९० टक्के मराठा समाजाची वस्ती आहे. येथील गावकऱ्यांनी शुक्रवारी हनुमान मंदिराच्या प्रांगणात आयोजित केलेल्या बैठकीला प्रत्येक कुटुंबातील सदस्य उपस्थित होते. या बैठकीत लग्नातील खर्चिक रूढी परंपरा सोडण्याचा निर्णय घेण्यात आला. गावात होणाऱ्या लग्नामध्ये वारेमाप खर्च करू नये, वरातीमध्ये डीजे वाजवू नये, दुसऱ्या गावात लग्नासाठी गेलेले वऱ्हाडही डीजे वाजवणार नाही, असा एकमुखी निर्णय घेण्यात आला.
गावकऱ्यांच्या या निर्णयामुळे दारूबंदी करण्यास मदत होणार आहे. एखाद्याचे लग्न ठरले असेल, तर वधू किंवा वरापैकी एकाचे कपडे खरेदीसाठी टेम्पोभर माणसे जातात. हा खर्च कमी करण्याचा निर्णय घेण्यात आला. सामूहिक विवाह सोहळात लग्न करण्यास नागरिकांना प्रोत्साहित केले जाणार आहे. त्यामुळे आपोआपच खर्चाला आळा बसू शकेल, असे बैठकीत सांगण्यात आले.यापुढे गावात छत्रपती शिवाजी महाराजांच्या नावे बचत गट स्थापन करून गावातील प्रत्येक कुटुंबातील सदस्याला सामील करून घेतले जाणार आहे. बचत गटाच्या माध्यमातून गरीब कुटुंबातील शिक्षण, लग्न, अंत्यविधी यासाठी निधी दिला जाणार आहे. शासकीय परवानगी मिळाल्यानंतर गावात शिवस्मारक बांधकाम केले जाणार आहे. येत्या शिवजयंतीला ग्रामस्थ दारूबंदीची शपथ घेणार आहेत.

Check Also

गोवंश हत्याबंदीला सुप्रीम कोर्टात आव्हान

गोवंश हत्याबंदी दुरुस्ती कायदा रद्द करण्याबाबतची जनहित याचिका मुंबई हायकोर्टाच्या औरंगाबाद खंडपीठाने फेटाळली होती. या …

Leave a Reply

Your email address will not be published. Required fields are marked *