facebook
Wednesday , May 24 2017
Breaking News
Home / Featured / एसटी आगाराचे स्वप्न अखेर पूर्ण

एसटी आगाराचे स्वप्न अखेर पूर्ण

आवाज न्यूज नेटवर्क –

अहमदनगर – कर्जत येथे एसटी आगार तयार करण्यास राज्याचे परिवहनमंत्री दिवाकर रावते यांच्या अध्यक्षतेखाली विशेष बैठकीत मंगळवारी मान्यता देण्यात आली. या निर्णयामुळे कर्जत तालुक्यातील जनतेचे अनेक वर्षांचे स्वप्न अखेर पूर्ण झाले आहे.

कर्जत येथे एसटीचे आगार करण्याची मागणी दीर्घकाळापासून होत होती. या प्रश्नावर पालकमंत्री प्रा. राम शिंदे यांच्या पुढाकाराने मंगळवारी मुंबईत मंत्रालयामध्ये बैठक घेण्यात आली. या बैठकीत रावते आणि परिवहन महामंडळाचे अधिकारी उपस्थित होते. चर्चेअंती कर्जत येथे आगार करण्यास रावते आणि परिवहन महामंडळाने तत्वतः मान्यता दिली.

कर्जत येथे एसटीचे आगार व्हावे ही तालुक्यातील जनतेची अनेक वर्षांची मागणी होती. या प्रश्नावर अनेक निवडणुका लढवल्या गेल्या, अनेक वेळा आश्वासने दिली गेली. ‘कर्जत आगार’ असे नाव लिहिलेल्या तांबड्या रंगाच्या व पिवळा पट्टा असलेल्या एसटी राज्यात धावतील, असे आश्वासन प्रा. राम शिंदे यांनी विधानसभा निवडणुकीत दिले होते.

कर्जत तालुक्यात एसटीचे आगार नाही. जिल्ह्यातील हा एकमेव तालुका आहे, येथे आगार नाही. येथे आगार होण्यासाठी भाजप, शिवसेना, काँग्रेस, राष्ट्रवादी काँग्रेस, मनसे, आरपीआय, विविध सामाजिक संघटना यांच्यासह सर्वच राजकीय पक्षांनी आंदोलने केली. यामध्ये अनेक नेत्यांनी आंदोलने केली. नंतर त्यांच्या मुलांनी या आगारासाठी आंदोलने केली. रास्ता रोको, जेलभरो आंदोलने केली. यामध्ये अनेकांवर गुन्हे दाखल झाले; मात्र, मनसेचे जिल्हाध्यक्ष सचिन पोटरे यांनी केलेले आंदोलन राज्यात गाजले. या आंदोलनामुळे त्यांच्यासह मनसेच्या अनेक कार्यकर्त्यांना येरवडा जेलमध्ये जावे लागले होते.

कर्जत येथे एसटीच्या आगारासाठी सतत पाठपुराव करीत असल्याचे पालकमंत्री प्रा. राम शिंदे यांनी ग्रामदैवत गोदड महाराज यांच्या मंदिरासमोर झालेल्या कार्यक्रमातच सांगितले होते.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *