facebook
Sunday , January 22 2017
Breaking News
Home / Featured / चंदगड तालुक्यात तीन दिवस ब्रॉडबँड सेवा ठप्प

चंदगड तालुक्यात तीन दिवस ब्रॉडबँड सेवा ठप्प

आवाज न्यूज नेटवर्क –

कोल्हापूर – तातडीची सेवा म्हणून इंटरनेट सेवेकडे बघितले जाते. मात्र गेल्या तीन दिवसापासून ओ. एफ. सी. केबल तुटल्याने भारत संचार निगम लिमिटेडची येथील इंटरनेट सेवा ठप्प झाली आहे. रविवारी दुपारनंतर बी. एस. एन. एल. ची ब्रॉडबँड सेवा ठप्प झाल्याने नेट कॅफे, खासगी व्यावसायिक, छोटे-मोठे दुकानदारांसह ऑनलाईनची सर्व कामे ठप्प झाल्याने ग्राहकांतून नाराजी व्यक्त होत आहे.

चंदगड तालुक्यामध्ये इंटरनेट सेवा पुरविणारी बी. एस. एन. एल. ही एकमेव कंपनी आहे. त्यामुळे मोबाइलच्या युगात लँडलाईन बंद होत असताना केवळ ब्रॉडबँड कनेक्शनमुळे अनेकांनी लँडलाईन सेवा घेतली आहे. ज्या कारणासाठी लँडलाईन सेवा घेतली आहे. तो हेतू पूर्ण होत नसल्याने ग्राहकांच्यातून नाराजी आहे. याला पर्यायी दुसरी कोणतीही सेवा नसल्याने नालाईजास्तव ग्राहकांना बी. एस. एन. एल. वर अबलंबून रहावे लागत आहे. अन्य खासगी कंपन्यांनी चंदगड तालुक्यामध्ये थ्री-जी सेवा सुरु केली आहे. मात्र ती फार खर्चिक व अपुरी असल्यामुळे अनेकांनी बी. एस. एन. एल. ची भरवशाची सेवा म्हणून ब्रॉडबँड सेवा घेतली आहे. मात्र रविवारपासून ही इंटरनेट सेवा बंद असल्याने ग्राहकांना नुकसानीला सामोरे जावे लागत आहे. सरकारचे सर्व विभाग झपाट्याने ऑनलाईन होत असल्याने इंटरनेटची आवश्यकता दिवसेंदिवस वाढत आहे. सध्या कॅशलेश व्यवहारासाठी इंटरनेट अत्यावश्यक बनले आहे. त्यातच बी. एस. एन. एल. ची सेवा गेल्या तीन दिवसापासून खंडीत झाल्याने ग्राहकांना नुकसानीला सामोरे जावे लागत आहे. त्यामुळे ग्राहकांच्यातून नाराजी असून ब्रॉडबँड सेवा त्वरीत सुरळीत करावी अशी मागणी होत आहे.

चौकट

केबल तुटण्याचे प्रकार …

चंदगड ते कानूर खुर्द दरम्यानच्या मार्गावर असे केबल तुटण्याचे वारंवार प्रकार होत आहे. त्यामुळे या विभागातील दूरध्वनी व ब्रॉडबँड सेवा अनेकदा खंडीत होते. यासाठी ग्राहकांनी चंदगडच्या तालुका मुख्य कार्यालायात अनेकदा तक्रारी करुनही त्याकडे दुर्लक्ष आहे. कानूर विभागाला याचा वारंवार अनुभव येत असल्याने ग्राहक वैतागले आहे.

कोट

‘नेसरी ते नागनवाडी दरम्यान ओ.एफ. सी. केबल तुटल्याने इंटरनेट सेवा बंद आहे. तुटलेली केबल जोडण्याचे काम युध्दपातळीवर सुरु आहे. या मार्गावर रात्रीच्या वेळी जे. सी. बी.ने खोदाई केली जात असल्याने केबल तुटण्याचे प्रमाण वाढले आहे. लवकरच सेवा सुरळीत होईल.

ए. पी. खोराटे, उपमंडल अभियंता

Check Also

विकास कामे झाली, पण ठराविक लॉबीचीच झाली – यशवंत भोसले

Click on Below Video Related

Leave a Reply

Your email address will not be published. Required fields are marked *