facebook
Tuesday , February 28 2017
Breaking News
Home / Featured / संपत्तींचे ‘जीआयएस’ सर्वेक्षण

संपत्तींचे ‘जीआयएस’ सर्वेक्षण

आवाज न्यूज नेटवर्क –

जळगाव – मनपा हद्दीतील संपूर्ण मालमत्तांचे जीआयएस प्रणालीद्वारे सर्वेक्षण करण्याचा ठराव मंगळवारी (दि. २७) मनपाच्या स्थायी सभेत मंजूर करण्यात आला. यावेळी शहराच्या विविध विकासकामांसाठी सरकारकडून मंजूर झालेल्या १८ कोटी २५ लाखांच्या निधीतून कामांना सुरुवात करण्याचा ठरावाला मंजुरी देण्यात आली

मनपा स्थायी समितीची सभा सभापती वर्षा खडके यांच्या अध्यक्षतेखाली झाली. या वेळी व्यासपीठावर उपायुक्त डॉ. लक्ष्मीकांत कहार, नगरसचिव निरंजन सैंदाणे उपस्थित होते. नितीन बरडे यांनी यांनी अमृत योजनेतील कामांची प्रतीक्षा न करता, शासनाकडून मिळालेल्या १८ कोटी २५ लाखाच्या निधीतून कामांची सुरुवात करावी, असा ठराव मांडला. तो बहुमताने मंजूर करण्यात आला. सभापती वर्षा खडके यांनी रस्त्यांची कामे तत्काळ सुरू करण्याचे व कामांमधील गुणवत्ता तपासण्याच्या सूचना शहर अभियंता सुनील भोळे यांना दिल्या. सभेमध्ये मनपाच्या वाहनांचे साहित्य, देखभाल, खरेदीचा प्रस्ताव, शामा प्रसाद उद्यानालगत रस्त्याचे रुंदीकरणाचे विद्युत पोल स्थलांतर, प्रधानमंत्री योजनेच्या सर्वेक्षण प्रकल्पाचा वास्तुविशारद नियुक्त करणे यासारख्या विषयांना मंजुरी देण्यात आली. अग्निशमन अधिकारी वसंत कोळी यांच्यावरील फटाके विक्रेत्यांकडून घेतलेले पैसे व कार्यालयातील संगणक घरी वापरण्याचा गैरव्यवहाराचे आरोप करण्यात आले होते. कोळी यांच्यावरील चौकशी कुठपर्यंत आली, असा प्रश्न उज्ज्वला बेंडाळे, पृथ्वीराज सोनवणे सभागृहात विचारला. यावर नगरसचिव निरंजन सैंदाणे यांनी चौकशी सुरू असून लवकरच पूर्ण केली जाईल असे सांगितले.

इमारतींचे सर्वेक्षण

मनपा हद्दीतील जमीन व इमारतीची जीआयएस प्रणालीद्वारे सर्वेक्षणाच्या विषयावर पृथ्वीराज सोनवणे यांनी सर्वेक्षण करणाऱ्या कंपनीची जबाबदारी कोण घेईल, असा सवाल उपस्थित केला. यापूर्वी हैदराबाद येथील कंपनीला काम देण्यात आले होते. परंतु, कंपनीने अर्ध्यावरच काम बंद केल्याचा मुद्दा उपस्थित करत विरोध करण्यात आला.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *