facebook
Sunday , March 26 2017
Breaking News
Home / Featured / ५० दिवसांनंतरही रांगा कायम!

५० दिवसांनंतरही रांगा कायम!

आवाज न्यूज नेटवर्क –

मुंबई – नोटाबंदीच्या निर्णयास आज, बुधवारी ५० दिवस पूर्ण होत असले तरीही अद्यापही सुट्ट्या पैशांची टंचाई कायम आहे. ५० दिवसांत नोटांची चणचण संपुष्टात येणार असल्याच्या पंतप्रधान नरेंद्र मोदी यांच्या घोषणा हवेतच विरल्याचे प्रत्यक्षात दिसते. पैशांअभावी बंद असलेले एटीएम सेंटर, रोकड मिळणाऱ्या एटीएमसमोरील प्रचंड रांगा, बँकांमध्ये रांगेत उभे असणारे खातेदार हे चित्र अजूनही कमी जास्त प्रमाणात कायम आहे.

बुधवारी या निर्णयास ५० दिवस पूर्ण होत असले तरी रांगेत उभे राहण्याची आलेली वेळ अजूनही संपुष्टात आलेली नसल्याचे भीषण चित्र आहे. रोकड नसल्याने बँका, एटीएमपुढे आशाळभूताप्रमाणे उभे राहणाऱ्यांची संख्या कमी झालेली नाही.

अशातच, ५०० रुपयांच्या नोटा पुरेशा प्रमाणात उपलब्ध नसल्याची तक्रार कायम आहे. एटीएम, बँकांमध्ये दोन हजार रुपयांच्या नोटाच प्रामुख्याने मिळत असून त्या नोटांच्या सुट्ट्यांसाठी खटपटी कराव्या लागत आहे. कॅशलेस वा चेक स्वरूपातून जास्त रकमेची खरेदी होत असली तरीही छोट्यामोठ्या वस्तूंसाठी रोख रक्कमेचा व्यवहार करण्यावरील बंधने कायम आहेत. त्यामुळेच नव्या वर्षाच्या स्वागत तयारीवरही परिणाम झाल्याचे दिसते.

नोटांची कमतरता त्रासदायक

सर्वसामान्यांना अजूनही नोटाबंदीचा फटका सहन करावा लागत आहे. भाजी, दूध यांसारख्या किरकोळ खरेदीसाठी कॅशलेस व्यवहार कसे करणार, असा प्रश्न वांद्रेतील शैलेश पै यांनी उपस्थित केला.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *