facebook
Sunday , February 26 2017
Breaking News
Home / नाशिक / पुरोहितांकडे घबाड

पुरोहितांकडे घबाड

त्र्यंबकेश्वरमध्ये प्राप्तिकर विभागाने सोमवारी दोन पुरोहितांकडे टाकलेल्या छाप्यात कोट्यवधी रुपयांची बेहिशेबी मालमत्ता आढळून आल्याचे स्पष्ट झाले आहे. या दोन्ही पुरोहितांकडे साडेचार कोटी रुपयांचे सोने व दोन कोटी बेहिशेबी मालमत्ता आढळून आली आहे. तसेच, बुधवारी सर्व कागदपत्रांची तपासणी करण्यात आली असून, अजून बरीच माहिती समोर येण्याची चिन्हे आहेत. दरम्यान, त्र्यंबकमधील आणखी नऊ पुरोहितांना आयकर विभागाने नोटिसा बजावल्याचे सूत्रांनी सांगितले.

नोटाबंदीनंतर त्र्यंबकेश्वरमध्ये प्राप्तिकर विभागाने सोमवारी चांदवडकर आणि शिखरे या दोन पुरोहितांची तपासणी केली. बुधवारी या कुटुंबीयांना प्राप्तिकर विभागाने चौकशीसाठी गडकरी चौकातील कार्यालयात बोलावले. त्यातून अजून माहिती व कागदपत्रे मागविण्यात आली आहेत. त्र्यंबकेश्वर येथील चांदवडकर कुटुंबीय व शिखरे कुटुंबीयांची पहिल्या दिवशी सोने-चांदी मोजदाद, हिशेबांच्या वह्यांची माहिती घेतली. मंगळवारी बँक खात्यांची तपासणी, तीन वर्षांतील आयकर तपशील आणि इतर लिखित व्यवहारांची माहिती गोळा करून सोने जप्त केले. त्याचप्रमाणे बेहिशेबी मालमत्ता असल्याचेही त्यातून प्राप्तिकर विभागाला आढळले आहे.

Check Also

मार्केट फुलले; चेहरे उतरले

रविवारच्या साप्ताहिक सुटीनंतर सोमवारी येवला कृषी उत्पन्न बाजार समितीचे येवला मुख्य बाजार आवार लाल कांदा …

Leave a Reply

Your email address will not be published. Required fields are marked *