facebook
Thursday , May 25 2017
Breaking News
Home / Featured / नगर शहर स्वच्छतेपासून लांबच

नगर शहर स्वच्छतेपासून लांबच

आवाज न्यूज नेटवर्क –
अहमदनगर – देशातील स्वच्छ शहरांच्या तुलनेत नगर शहर स्वच्छतेपासून कोसो दूर असल्याचे बुधवारी स्पष्ट झाले. देशातील ५०० शहरांमध्ये नगरचा क्रमांक चक्क २४६वा आहे. येत्या ४ जानेवारीपासून शहरात केंद्र सरकारच्या प्रतिनिधींद्वारे स्वच्छता सर्वेक्षण केले जाणार असून, त्यानंतर नगर शहराचा क्रमांक वर येतो की आणखी खाली जातो, याचे स्पष्टीकरण होणार आहे. दरम्यान, या स्वच्छता सर्वेक्षणाच्यादृष्टीने नागरिकांमध्ये जनजागृती करण्यासाठी मनपाद्वारे फ्लेक्स फलकांद्वारे माहिती देण्याचे नियोजन सुरू झाले आहे.
नागरी स्वच्छता अभियानाचे राज्याचे संचालक डॉ. उदय टेकाळे, विशेष कार्यकारी अधिकारी विजय सनेर व त्यांचे सहकारी अविनाश आवारी यांनी बुधवारी नगर शहरातील स्वच्छता व हागणदारी मुक्तीचा आढावा मनपात येऊन घेतला. यावेळी महापौर सुरेखा कदम, उपमहापौर श्रीपाद छिंदम, स्थायी समितीचे सभापती सचिन जाधव, सभागृह नेते अनिल शिंदे, अतिरिक्त आयुक्त विलास वालगुडे, उपायुक्त भालचंद्र बेहरे, नगरसेवक योगीराज गाडे, उपआरोग्याधिकारी डॉ. पैठणकर व अन्य उपस्थित होते.
मागील वर्षी केंद्र सरकारने देशातील ७३ शहरांचे स्वच्छता सर्वेक्षण केले होते. त्यात म्हैसूर शहर पहिले आले होते. पहिल्या २० शहरांमध्ये महाराष्ट्रातील ५ शहरे होती. यंदा देशातील ५०० शहरांमध्ये स्वच्छता सर्वेक्षण केले जाणार आहे. केंद्राकडे उपलब्ध माहितीद्वारे सध्या शहरांना क्रमांक देण्यात आले असून, नगरचा क्रमांक २४६वा आहे. आता येत्या ४ जानेवारी ते ४ फेब्रुवारीदरम्यान कधीही केंद्र सरकार व राज्य सरकारच्या चार प्रतिनिधींच्या पथकाद्वारे शहरात स्वच्छता सर्व्हेक्षण केले जाणार आहे. नागरिकांना विविध प्रश्न विचारून त्याची उत्तरे घेतली जाणार आहेत. तसेच शहरातील स्वच्छता व हागणदारी मुक्ती मोहिमेचीही तपासणी केली जाणार आहे. त्यानंतर त्याचा अहवाल केंद्राकडे पाठवला जाणार आहे. या अहवालानुसार नगरचा देशातील स्वच्छता क्रमांक स्पष्ट होणार आहे. यंदाच्या देशातील ५०० शहरांमध्ये महाराष्ट्रातील ४४ शहरे असून, यात नगरचाही समावेश आहे. ज्या शहरांची लोकसंख्या १ लाखापेक्षा जास्त आहे तसेच जेथे केंद्राच्या अमृत योजनेची कामे होत आहेत, अशी शहरे यात घेण्यात आली आहेत.सावेडी कचरा डेपोला भेटस्वच्छता अभियान संचालक डॉ. टेकाळेंसह अन्य वरिष्ठ अधिकाऱ्यांनी सावेडी कचरा डेपोला भेट देऊन तेथील कचऱ्यातून खत निर्मितीच्या कामाची माहिती घेतली. कचऱ्यातून निर्माण होणाऱ्या खताचा मोबदला मनपाद्वारे दिला जात असल्याचे समजल्यावर त्यांनी समाधान व्यक्त केले. संबंधित सेंद्रीय खताच्या विक्रीसाठी अनुदान देण्याचा विचार करण्याची ग्वाहीही दिली. बुरुडगाव कचरा डेपोवर सुरू असलेल्या संरक्षण भिंतीचे काम, मान्सून शेड निर्मितीचे काम तसेच अन्य सुविधांचीही माहिती घेतली. मनपाद्वारे खासगीकरणातून शहरातील सर्व वॉर्डांतील कचरा संकलनाचे होणार असलेले काम तसेच कचरा संकलन व वाहतुकीसाठी नव्याने सुरू असलेल्या वाहन खरेदीची माहितीही त्यांन देण्यात आली.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *