facebook
Sunday , February 26 2017
Breaking News
Home / Featured / गुड मॉर्निंग पथकाकडून गांधीगिरी

गुड मॉर्निंग पथकाकडून गांधीगिरी

आवाज न्यूज नेटवर्क –

जळगाव – शहरातील नेरी नाका परिसरात उघड्यावर शौचास जाणाऱ्या नागरिकांचा महापालिका आरोग्य विभागाच्या गुड मॉर्निंग पथकाने शनिवारी (दि. ३१) सकाळी अचानक जाऊन सत्कार केला. पालिकेच्या या अभिनव प्रयोगाने परिसरात खळबळ उडाली. या वेळी वीस जणांना पुष्प देऊन सत्कार करित त्यांचे मन परिवर्तन करण्याचा प्रयत्न करण्यात आला.

महापालिकेने सध्या स्वच्छ महाराष्ट्र अभियानांतर्गत जळगाव शहर हगणदारी मुक्त करण्यासाठी कंबर कसली आहे. महापालिकेने केलेल्या सर्व्हेक्षणात शहरातील ६,३२३ कुटुंबीय उघड्यावर शौचास जात असल्याचे निष्पन्न झाले आहे. या सर्व कुटुंबियांना या अभियानातून वैयक्तिक शौचालय बांधण्याचे उद्दिष्ट महापालिकेला देण्यात आले आहे. दि. ३१ मार्च २०१६ पर्यंत पूर्ण करायचे आहे. यासाठी महापालिकेला लाभार्थ्यांना अनुदान देण्यासाठी राज्य सरकारकडून ९९ लाख ८४ हजार तर केंद्र सरकारकडून ७२ लाख १६ हजार असे सुमारे १ कोटी ७२ लाखांचे अनुदान प्राप्त झाले आहे.

या वेळी आरोग्य अधिकारी डॉ. विकास पाटील, एस. बी. बडगुजर, नंदू साळुंखे, एन. ई. लोखंडे, रफिक पटेल, शरद पाटील यांनी सहभाग घेतला. यानंतर पथकाने या ठिकाणी असलेल्या मोकळ्या जागेची सफाई कामगारांकडून सफाई केली. तसेच या भागातील नागरिकांनादेखील सार्वजनिक शौचालयांचा वापर करण्याचा सल्ला दिला.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *