facebook
Sunday , January 22 2017
Breaking News
Home / Featured / थर्टी फस्टच्या जल्लोषावर पोलिसांची करडी नजर

थर्टी फस्टच्या जल्लोषावर पोलिसांची करडी नजर

आवाज न्यूज नेटवर्क –

जळगाव – शहरात नवीन वर्षाच्या स्वागतासाठी नववर्षाच्या पूर्वसंध्येला कडेकोट पोलिस बंदोबस्त तैनात करण्यात आला होता. ठिकठिकाणी नाकाबंदी त्या सोबतच शनिवार सायंकाळपासूनच वाहनांची तपासणी सुरू करण्यात येत आली. मद्यप्राशन करून भरधाव वेगात वाहने हाकणाऱ्यांवर पोलिस दलाकडून कारवाई करण्याच्या दृष्टीने विशेष खबरदारी घेण्यात येत आली.

नवीन वर्षे म्हणजे तरुणाईच्या आनंदाला उधाण येते. त्यामुळे शहरासह विविध भागात ओल्या पार्टीचे आयोजन करण्यात येते. उत्साहाच्या भरात भान हरपलेले तरुण गोंधळ घालतात. त्यावरून वाद उद्भवतात. त्यासोबतच दारूच्या नशेत रस्त्यावरून भरधाव वेगात वाहने हाकणाऱ्यांचे प्रमाणदेखील अधिक असते. अपघाताचे धोके असतानादेखील तरुणाई देहभान विसरून वाहनांवर वेगात रपेट करते. हा सारा प्रकार रोखण्यासोबतच कोणत्याही परिस्थ‌ितीत नवीन वर्षाच्या स्वागताला गालबोट लागू नये, यासाठी पोलिसांनी कंबर कसली होती.

जिल्ह्यासह शहरात नाकाबंदी

शनिवारी सकाळपासूनच खबरदारीचा उपाय म्हणून जिल्हा पोलिस दलाकडून शहरात व जिल्ह्यात नाकाबंदी लावण्यात आली होती. शहरातील मुख्य रस्त्यांवर झिकझॅक पद्धतीने बॅरिकेडिंग लावण्यात आले होते. हॉटेल, लॉज, धाबे चेकिंगसाठी गुन्हे शाखा व साध्या वेषातील पोलिस कर्मचारीही तैनात करण्यात आले होते. मोटारसायकलवर तीन सीट व कर्कश हॉर्न वाजविणाऱ्यांवर कायदेशीर कारवाई करण्यात येणार आहे. यासाठी जिल्ह्यात १ पोलिस अधीक्षक, २ अपर पोलिस अधीक्षक, ८ पोलिस उपअधीक्षक, २० पोलिस निरीक्षक, ७५ दुय्यम अधिकारी, २२०० पोलिस कर्मचारी व ४ आरसीपी प्लाटून बंदोबस्तासाठी तैनात करण्यात आले होते. या व्यतिरिक्त शहरातील सहाही पोलिस ठाण्यांचे कर्मचारी बंदोबस्तासाठी रस्त्यावर होते.

Check Also

विकास कामे झाली, पण ठराविक लॉबीचीच झाली – यशवंत भोसले

Click on Below Video Related

Leave a Reply

Your email address will not be published. Required fields are marked *