facebook
Monday , February 20 2017
Breaking News
Home / Featured / फी न भरल्याने विद्यार्थिनी तीन दिवस वर्गाबाहेर

फी न भरल्याने विद्यार्थिनी तीन दिवस वर्गाबाहेर

आवाज न्यूज नेटवर्क –

कोल्हापूर – शैक्षणिक शुल्क भरले नसल्याची शिक्षा म्हणून पाचवीत शिकणाऱ्या विद्यार्थिनीला गेल्या तीन दिवसांपासून वर्गाबाहेर बसवून ठेवण्याचा प्रकार न्यू एज्युकेशन सोसासटीच्या विमला गोयंका इंग्लिश ​मीडियम स्कूलमध्ये घडली. पालकांकडून फी भरण्यासाठी होणाऱ्या दिरंगाईचा फटका निरागस मुलीला बसला. या प्रकाराने पालकांतून संताप व्यक्त केला जात आहे.

संबंधित विद्यार्थिनी विमला गोयंका इंग्लिश मीडियम स्कूलमध्ये पाचव्या इयत्तेत शिकते. तिच्या पालकांकडून नोव्हेंबरअखेर फीची रक्कम शाळेत जमा होणे अपेक्षित होते. मात्र, अद्याप फी जमा नसल्याने विद्यार्थिनीला वर्गाच्या बाहेर बसण्याची शिक्षा सुनावण्यात आली. नववर्षाच्या पहिल्या दिवसापासून, सोमवारपासूनच फी भरलेली नाही म्हणून तिला वर्गाबाहेर बसण्याची वेळ आली. पालकांनी फी का भरली नाही किंवा आई-बाबा आणि शिक्षकांचे काय बोलणे झाले याची पुसटशीही कल्पना नसलेली विद्यार्थिनी मात्र या प्रकाराने गोंधळून गेली.

दरम्यान, रोज शाळेत गेल्यानंतर वर्गाबाहेर खाली बसण्याची शिक्षा देण्यात आल्याचे या विद्यार्थिनीने पालकांना सांगितले. त्यानंतर पालक शाळेत जाब विचारण्यासाठी शाळेत आले. यावेळी ​शिक्षकांसोबत संबंधित पालकांचा बुधवारी वाद झाला. यावेळी संबंधित पालकांनी, शाळा प्रशासनाने मुलीला वर्गाबाहेर बसण्याची शिक्षा केल्याविरोधात प्रसारमाध्यमांच्या प्रतिनिधीकडे तक्रार केली. बुधवारी, प्रसारमाध्यमांच्या प्रतिनिधींसोबत शाळेत आलेल्या पालकांना शाळा व्यवस्थापनाने दुरुत्तरे केली. मुलीची फी भरली नसल्याने, तिला वर्गाबाहेर बसवल्याचे समर्थन केल्यानंतर वाद अधिकच चिघळला. यावेळी घडल्या प्रकाराचे चित्रीकरण करणाऱ्या एका वृत्तवाहिनीच्या कॅमेरामनलाही चित्रीकरण करताना रोखण्यावरून शाब्दीक बाचाबाची झाली.

शाळा सुरू झाल्यापासून एकाही सत्राची फी संबंधित पालकांनी भरलेली नाही. याबाबत विद्यार्थिनीमार्फत पालकांना लेखी सूचना देण्यात आली होती. त्याची दखल पालकांनी घेतली नाही. फी टप्प्याटप्प्याने भरण्याची सुविधा प्रशासनाने दिली. तरीही काही पालकांकडून फी भरण्यासाठी टाळाटाळ होते. असा प्रकार संबंधित विद्यार्थिनीच्या पालकांकडून घडल्याने शेवटचा उपाय म्हणून विद्यार्थिनीला केवळ रोज दोन तास वर्गाबाहेर बसवण्यात आले.

– सुजाता लोहिया, प्रशासन अधिकारी, गोयंका स्कूल

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *