facebook
Tuesday , February 28 2017
Breaking News
Home / पुणे / रणशिंग फुंकल्याने शिवसैनिक सज्ज

रणशिंग फुंकल्याने शिवसैनिक सज्ज

शिवसेनेने महापालिका निवडणूक स्वतंत्र लढण्याचे रणशिंग बुधवारी मुंबईत फुंकल्याने शिवसैनिक कामाला लागले आहेत. पक्षप्रमुख उद्धव ठाकरे पुढील आठवडाभरात पुण्यात येऊन कार्यकर्त्यांशी थेट संवाद साधणार आहेत. दरम्यान, शिवसेनेत मोठ्या प्रमाणात ‘इन्कमिंग’ होणार असल्याचे सांगण्यात येत आहे.
मुंबई येथील प्रमुख कार्यकर्त्यांच्या मेळाव्यात ठाकरे यांनी भाजपला थेट लक्ष्य केल्याने आगामी महापालिका निवडणूक स्वतंत्रपणे लढण्यात येणार असल्याची ही नांदी असल्याचे बोलले जात आहे. स्वतंत्र लढलो तरी शिवसेनेची पुण्यातील ताकद कमी होणार नसल्याचा विश्वास स्थानिक नेतृत्वाला आहे. ठाकरे यांनीही पुण्यातील शिवसेनेच्या ताकदीबाबत चाचपणी केल्याचे सांगण्यात येत आहे. महापालिका स्वतंत्र लढण्यासाठी शिवसेनेने पावले उचलण्यास सुरुवात केली आहे.
दरम्यान, धनकवडी येथील सुनील खेडेकर आणि त्यांच्या सहकार्यांनी मुंबईतील मेळाव्यात शिवसेनेत प्रवेश केल्याची माहिती शहर प्रमुख विनायक निम्हण यांनी दिली. महापालिका निवडणुकीची तयारी जोरात सुरू करण्यात आली आहे. आगामी काळात राष्ट्रवादी, काँग्रेस तसेच मनसेमधून मोठ्या प्रमाणात शिवसेनेत प्रवेश होणार असल्याचे निम्हण म्हणाले.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *