facebook
Monday , February 20 2017
Breaking News
Home / Featured / सुप्रीम कोर्टात जाण्याची ​नगरसेवकांची तयारी

सुप्रीम कोर्टात जाण्याची ​नगरसेवकांची तयारी

आवाज न्यूज नेटवर्क –

जळगाव – जळगाव नगरपालिकेतील विविध घोटाळ्यांप्रकरणी तत्कालीन ५४ नगरसेवकांकडून वसुलीची प्रक्रिया सुरू करण्यात आली आहे. बुधवारपासून यातील ३४ जणांना वसुलीच्या नोटिसा तर २० जणांना स्मरणपत्र वितरित करण्याचे काम सकाळीच सुरू करण्यात आले.

यामध्ये तत्कालीन नगराध्यक्ष, नगरसेवक अशा ५४ जणांना घोटाळ्यांबाबत दोषी ठरवून त्यांच्याकडून घरकुल घोटाळ्याप्रकरणी प्रत्येकी १ कोटी १६ लाख रुपये असे एकूण ६० कोटी ३२ लाख रुपये तर मोफत बससेवाप्रकरणी ५ लाख १४ लाख रुपये वसुलीच्या नोटिसा व स्मरणपत्र नगरसचिव विभागाकडून बजावण्याचे काम सुरू करण्यात आल्याची माहिती प्रशासनाने दिली. सायंकाळी उशीरापर्यंत हे काम सुरू होते.

‘तर कोर्टात बाजू मांडणार’

या सर्व प्रकरणाबाबत नोटिसा मिळालेल्या तत्कालीन नगरसेवकांनी कोर्टात जाण्याची तयारी केली आहे. महापौर नितीन लढ्ढा यांनी, याप्रकरणी हायकोर्टात बाजू मांडण्याची संधी मिळालेली नाही. त्यामुळे पुनर्विलोकनाचा अर्ज करण्यासाठी चाचपणी करीत आहोत. तसेच प्रसंगी सुप्रीम कोर्टातदेखील आव्हान देणार असल्याचेही त्यांनी सांगितले.

नूतन पालकमंत्र्यांच्या उपस्थितीत आज बैठक

राज्याचे महसूलमंत्री तथा जिल्ह्याचे नवनियुक्त पालकमंत्री चंद्रकांत पाटील यांच्या उपस्थितीत आज (दि. ४) दुपारी १ वाजता जिल्हा नियोजन समिती अर्थात डिपीडिसी बैठक होत आहे. पालकमंत्री पाटील यांची पहिलीच बैठक आहे. या बैठकीत जिल्ह्यातील महत्त्वाच्या प्रलंबित प्रश्नांवरदेखील चर्चा होणार आहे.
आज (दि. ४) सकाळी साडेनऊ वाजता पालकमंत्री यांचे जळगावात आगमन होणार आहे. त्यानंतर सकाळी यावल तालुक्यातील कार्यक्रमास ते उपस्थित राहणार आहेत. दुपारी एक ते चार वाजेपर्यंत जिल्हाधिकारी कार्यालयातील नियोजन सभागृहात नियोजन समितीची बैठक होणार आहे. जिल्हाधिकारी कार्यालयातच दुपारी चार ते पाच वाजेपर्यंत महसूल विभागातील सर्व अधिकाऱ्यांच्या बैठकीत महसूल विभागाच आढावा घेणार आहे. नियोजन सभागृहात सायंकाळी पाच ते सहा वाजेपर्यंत सार्वजनिक बांधकाम विभागातील सर्व अधिकाऱ्यांची आढावा बैठक होणार आहे. या बैठकीत शहरातील रस्ते, समातंर रस्ते, चौपदरीकरणाच्या कामांचा आढावा घेतला जाणार आहे. या बैठकीनंतर सायंकाळी सव्वासहा वाजता जळगाव जिल्ह्यातील पदाधिकारी व कार्यकर्त्यांसोबत भाजप कार्यालयात मेळावा होणार आहे. या कार्यक्रमास जलसंपदा मंत्री गिरीश महाजन, जिल्हाध्यक्ष उदय वाघ उपस्थित राहणार आहेत.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *